張名雅落邨「打游擊」派口罩

東方日報
張名雅(右三)與父母及朋友到牛頭角派口罩。

前港姐冠軍張名雅有見新冠肺炎肆虐,擔心弱勢社群及長者未有足夠口罩抗疫,遂聯同父母及幾位好友自購口罩,並於昨日到屋邨免費派發。由於是自發行動,她孭着一個大環保袋,到牛頭角的屋邨平台及公園,以「打游擊」方式邊行邊派,免去長者要排隊等候的問題。派到樓宇門外時,連保安人員亦紛紛出來攞口罩,相當搶手。

張名雅稱除了從外地訂購外,在溫哥華的朋友亦有寄過來,約有2,000個口罩可送出,雖然現時缺口罩情況稍為緩和,但知道仍有老人家幾日才敢換一個,亦有清潔工向她表示一個要戴一整天。她指今次父母一齊出動,老公則與其他朋友負責於另一區派口罩,但兩位小朋友會留在家中,她說:「大仔Mario已3歲,佢一出街就周圍摸,我見到仲驚過佢,所以喺屋企安全啲。」