張名雅瞓身練「少女腰」遭喪𥄫

東方日報
張名雅放下藝人身段,當眾做平板支橕練腹肌。

前港姐冠軍張名雅雖然已是兩子之母,但多年來保持23吋「少女腰」,身材弗爆背後自然有代價!她日前被發現在大角咀海濱公園冒着32度烈日當空下做運動Keep Fit,穿上運動Tube Top相當吸睛,不少男途人也報以注目禮。她先做一輪壓腿及簡單瑜珈動作拉筋熱身,隨後沿着海濱輕鬆慢跑,其後轉到樹陰下做平板支橕鍛煉腹肌,難怪擁有如此纖腰。

最近忙於拍攝無綫劇集《七公主》的張名雅,接受電話訪問時分享「少女腰」是怎樣練成,透露現時磅數比選港姐時的99磅更輕:「呢排疫情都有同老公喺屋企上網睇片跟住做HIIT(高強度間歇訓練),做廿分鐘已經爆晒汗,就算生完BB有少少腰腩肉,腹肌都仲喺底層,做吓平板支撐、Situp就回復番線條。」

烈日當空下做運動,乜脂都燒晒!