張可頤為「人仔」 願冒險北上開工

東方日報
張可頤讚新劇創新,對收視則抱平常心。

藝人張可頤昨日身穿花花裙、微露纖腰現身淺水灣,為ViuTV新劇《暖男爸爸》開工,激讚編劇創新,劇中有不同支線富新鮮感。疫情下不少工作叫停,問她現時可有內地工作重新接洽?她說:「依家都真係好難講!我哋呢套劇4月底開拍,戰戰兢兢度過咗疫情最嚴峻嘅時期,但如果真係有工開都唔排除返內地,就要預時間隔離。」

同劇的文凱玲透露拍畢便開始籌備婚禮,笑言早知時間倉促:「希望今年內搞掂,屋企人想擺,簡單啲囉!我哋兩個好懶冇點理到,最後真係可能註咗冊先,之後再補擺。(驚婚禮受疫情影響?)香港比其他地方情況好,街上都見人冇戴口罩,都有啲危險。(去邊度蜜月?)呢樣就真係未諗,哈哈!」

文凱玲連搞結婚都懶,笑言可能註咗冊先。