張兆輝輸首期唔敢炒股

東方日報
洪永城拍劇要咀陳瀅,當時她要食藥,真係辛苦晒!

張兆輝前晚出席劇集《黃金有罪》首播飯局,他透露劇中炒股了得,但現實中曾經輸掉首期,損失六位數字!直言經一事長一智,之後沒再買股票。

無綫劇集《黃金有罪》演員張兆輝、洪永城、姚子羚、陳瀅、吳沚默、陳自瑤等前晚以懷舊服裝在電視城舉行首播飯局。劇中飾演股壇狙擊手的張兆輝,現實中買股票曾損失六位數字,至今也不敢再買,他說:「如果呢部劇早幾十年拍,對我做人、買股票、做生意都有幫助,初出茅廬千祈唔好做盲頭烏蠅,要花時間做工夫。當年血汗錢都蝕晒,輸咗個首期,不過都好嘅,輸咗個人會清醒啲、踏實啲,經一事長一智!」

姚子羚買磚頭傍身

姚子羚亦表示不敢買股票,情願買「磚頭」:「都驚血汗錢化為烏有,聽阿媽話買磚頭最實際,依家供緊樓,要努力做嘢,都有壓力嘅,但可以逼自己進步,女仔都係要有個錢傍身。」

洪永城咀埋口水鼻涕

至於陳瀅劇中與洪永城飾演一對,她指為劇集埋尾時患腸胃炎,發燒又屙又嘔,難為了對方要跟她拍親熱戲。洪永城笑說:「錫嗰陣連鼻涕、口水都錫埋,有少少感染,要食番啲藥同維他命C補充,嗰陣埋緊尾,幾嚴重都要咀埋陳瀅。」陳瀅亦說拍床戲前也要食藥打底:「係感冒藥,仲好苦添,大家錫嘅時候感覺好苦!」

洪永城近期拍劇艷福無邊,問到女友可會火遮眼?他說:「唔會,拍戲啫,如果咁都火遮眼,真係要好好檢討大家嘅關係。(女友拍親熱戲呢?)黐線,梗係唔得!講笑啫,佢都有拍劇,工作啫。」講到有傳馮盈盈男友介意她拍激情戲成為分手導火線,他笑說:「我哋比較開放少少,但係工作完咗之後,唔好同對手聯絡。」陳瀅即笑說:「拍完劇佢真係冇搵過我!」

張兆輝炒股損失六位數字,姚子羚笑言都係買磚頭穩陣。
吳沚默
吳沚默與陳自瑤一個晒背,一個露腰。