張兆輝收埋寶貝豬老婆醋爆!

東方日報
出名與老婆甜蜜蜜的張兆輝,竟然另有「心上人」!

張兆輝天生正氣樣,一直是御用好人角色之選,他表示入行以來從不計較戲份多少,更視獎項為Bonus,因為若只想着得獎,拍戲便不會覺得享受!

張兆輝近日在電影《催眠.裁決》中,演活性格多面的角色,與張家輝隔空鬥戲,令人留下深刻印象。早前他接受東網巨星節目「海馬牌床褥特約」《閨蜜睡房之Brother來了》訪問,與主持人李文珊(Sherman)分享拍攝點滴:「有一場水池戲,我要慢慢沉落去,導演問我可以閉氣幾耐,我話閉到閉唔到為止啦!呢場係我拍過嘅水戲中最幼細嘅!另一場停車場戲份,要同武指配合光管爆炸效果,拍嘅時候好緊張,如果嗰日唔得,就冇第二日o架喇!」

拍戲不問獎項

原來不少朋友或導演都跟他說過:「你個樣咁老正,想叫你做壞人都唔得,一定係做好人。」但他喜歡新嘗試,亦不計較戲份多少,問到下個目標是否想拿下影帝?他說:「呢啲係Bonus,我冇諗過呢啲嘢,有咪有囉!冇都唔緊要o架!唔通你問呢部戲有冇影帝o架,冇影帝我唔拍!成日擺喺心裏面,就唔Enjoy去做個戲囉!」

張兆輝是圈中有名的好好先生,與老婆結婚逾20年,仍會寫信、送花氹老婆,但他身邊原來還有一位「心上人」,搞到老婆呷醋!究竟這個張兆輝暱稱為「寶貝豬」的她是誰?記得本星期五、六、日收睇《閨蜜睡房》!

張兆輝享受拍戲,對獎項平常心。
張兆輝