康華浸血浴甜到怕蟻咬

東方日報
祥興護住康華拍撞車戲,盡顯暖男一面。

康華入行多年,在《金》劇單元「美魔女」首次化老妝,她受訪時指皮膚緊皺近一個月,又生滿粒粒,犧牲不小:「個老妝都化足一個星期,要用膠水一層一層黐上面,先整皺本身啲皮膚,再冚上三至五層膠水,成個妝要化四、五個鐘,落妝落足好多日先乾淨!雖然只係一個單元,但要拍好長時間,卒之有一日皮膚敏感,要停工休息,累到劇組,後來頂硬上,拍完先護番好啲皮膚!」她笑言要多謝美容界的朋友,不停提供護膚品助她急救肌膚,現時劇集口碑極佳,認為犧牲絕對值得。

除了化老妝,康華又因應劇情需要敷血Mask及浸血浴,當中工作人員倒了不少利賓納炮製「血浴」,她表示:「浸完之後好甜,啲工作人員都怕咗我,怕有蟻咬。」並指拍攝時間長,浴缸出現漏水情況,工作人員花了不少工夫清潔。

另一場與黃祥興的撞車戲,場口涉及爆玻璃,她大讚對方細心,不時護着她。提到祥興表示入行前已喜歡她,她說:「佢有同我講過,好多謝佢,真係唔敢當,我都好欣賞佢。佢係一名好好先生,又有耐性,我個老妝化咁耐,佢都好有耐性等我,又顧家,我好欣賞啲又顧家、又有事業心嘅人。」

康華配合劇情浸血浴及敷血Mask。
康華