康華剝衫咀鄭子誠爆笑料 現場突然…

忍笑忍到震晒!

藝人康華在無綫熱播劇《法證先鋒IV》與鄭子誠的床戲,惹起一眾網民熱議,劇中她跟閨蜜陳煒爭男友,原來現實中她與陳煒的感情亦很好,她回覆東網說:「我哋係真正閨蜜!拍攝時我哋三人包括子誠等埋位時,都好多嘢傾,我好鍾意子誠太太劉倩怡,點知講講吓佢突然出現,真係心有靈犀!」

康華現實中同陳煒係閨蜜。
但喺劇中佢哋就要爭仔。
咁啱劉倩怡嚟探班,梗係要影張合照啦!

視人家太太為偶像的她,和鄭子誠拍床戲卻很尷尬,她說:「我同子誠拍嗰陣,我要除衫,當時現場好靜,去到咀嘴時真係尷尬,因為現場工作人員肚餓,餓到個肚發出聲響,我哋咀緊都要忍住笑,大家都忍笑忍到震晒,所以嗰次拍咀嘴鏡頭搞咗好耐!」此外,《法證IV》的回響令到康華很開心,她稱得到多位同行和前輩讚賞:「我好享受呢個角色,覺得辛苦都好欣慰!」

康華同鄭子誠拍床戲。
仲要剝衫!
大晒玉背!
點知現場有人發出肚餓聲,認真搞笑!