床戰互剝腿交纏Ali奪龔嘉欣「第一次」

東方日報
李佳芯(左)同龔嘉欣老友鬼鬼,拍床戲互摸都唔尷尬。

無綫靚女李佳芯與龔嘉欣為劇集挑戰「女女」床戲,互剝兼四腿交纏,二人互讚長腿夠白滑!嘉欣更有以Bra Top色誘森美的戲份,講到森美被指「戀腳」,她即笑言叫對方Cap圖留念。

藝人李佳芯(Ali)、龔嘉欣、陳豪(阿Mo)、麥明詩及吳業坤等,昨日到鰂魚涌宣傳無綫劇集《誇世代》,眾人以運動Look挑戰跳彈床,穿鬆身衫的嘉欣頻頻露腰,「多仔公」陳豪則顯得小心翼翼,似怕傷到腰骨!

中環鬧市色誘森美

嘉欣席上搶先透露昨晚的劇情,除了與Ali兩姊妹在床上互除互摸,二人更四腳交纏,她說:「都有啲毛管戙!Ali就拍到淨係識傻笑,但大家對腳都好滑。」嘉欣表示首次拍床戲,而Ali則自言床戲經驗豐富,但首次遇上女對手:「同女仔拍放好多,唔會尷尬,佢有嘅嘢我都有啦,同男士拍會有顧慮,主要係男士會尷尬。」嘉欣更有一場色誘森美的戲份:「着Bra Top短褲色誘,原本着普通衫,但想再姣啲,所以着Bra Top,當時喺中環港鐵站街頭拍攝,有好多路人望,都幾尷尬。」講到森美曾被指「戀腳」,嘉欣笑說:「森美仲會幫我捽腳仔!(發現佢偷影?)叫佢自己Cap圖啦!」

陳豪唔排除再生B

至於阿Mo被問到跳彈床留力,是否怕傷到腰?他笑言:「跳彈床係弱項,我平衡比較差。」他透露與太太陳茵媺一家人簡單迎新年,問是否送「人仔」給太太?阿Mo即晒招牌傻笑!講到葉翠翠隔半年又造人成功,比他這位「多仔公」更厲害,阿Mo即笑說:「生容乜易!依家仲係三比二!」並透露三月將忙拍內地劇,屆時與家人分開一段時間,故有意先與太太二人世界,問到是否「兩個去三個返」,他表示教育小朋友不容易:「我哋都好鍾意BB,但要再遲啲先。」

文:影視組

龔嘉欣睇嚟好入戲,到依家都仲想剝李佳芯衫!
陳豪一句「生容乜易」,夠晒霸氣!
龔嘉欣於鬧市晒腰露腿色誘森美。