幸得秋生唔嫌棄 林嘉欣呻被導演老公糟質

秋生話每日開工要望住嘉欣10分鐘先入戲,直言是嘉欣任導演的老公叫他這樣演。

【星島日報報道】林嘉欣老公袁劍偉執導英皇電影《死因無可疑》開鏡,嘉欣以演員身份,與黃秋生、湯怡、陳家樂等出席,英皇集團主席楊受成亦現身支持。

秋生表示戲中跟嘉欣演夫妻,由細到大很仰慕對方,但他好靚仔又「低低地」,更笑謂每日開工要望住嘉欣10分鐘先入到戲。他說:「呢部戲我無乜對白,加埋唔夠10句。」問到今次是否類似《人肉叉燒包》的變態角色,他說:「令人覺得似啫!我都話唔會再演呢啲角色。」

嘉欣爆首日開工要拎住個袋打秋生,豈料忘記了袋中有個鋼水壼。秋生即說:「個頭腫咗呀!」嘉欣笑謂將事件告知劉青雲即獲讚醒目。對於戲中造型相比真實的年齡較老,嘉欣謂對演員來講感覺好玩,不過為了角色專登留了白頭髮兩個月,也不塗潤手霜及做面部護理,所以幾大挑戰。她說:「導演(指老公)咁樣糟質都算,秋生都唔嫌棄我,你知佢對演戲藝術幾高要求啦。」秋生聞言即說:「你應該同老公講,咁搞法?返唔到轉頭喎!」對於經常要含情脈脈望住嘉欣,可會擔心袁劍偉呻醋?秋生說:「我傻㗎嘛!佢叫我演嘅。」(攝影:鄧國良)

睇更多