【年紀相距12年】林夏薇撮合 傳劉愷威撻着湯洛雯

傳劉愷威與細12年湯洛雯撻着

喺去年12月,劉愷威與楊冪正式宣布離婚,估唔到大家都未離婚滿一年之際,就已經各自有新戀情。近月楊冪就被爆出與年輕3歲嘅魏大勛譜出姊弟戀,而劉愷威喺今日亦被傳媒爆出與年紀相差12年嘅湯洛雯(靚湯)撻著。有指可能離婚唔夠1年嘅關係,劉愷威想顧及形象,所以暫時將戀情保持低調,兩人秘密相戀中。

湯洛雯

根據報導指今次嘅媒人係林夏薇!因為一次劉愷威與林夏薇嘅聚餐,湯洛雯亦有份參與,結果造就咗「劉湯即合」,二人經相處後覺得適合對方,所以二人決定交往。

其實自從劉愷威與楊冪離婚後,開始經常返港照顧囡囡,平日更會一齊出街及接囡囡放學。多留香港就自然有更多時間陪伴身邊人。不過畢竟劉愷威一直都留喺內地發展,所以唔係好多時間喺香港。於是林夏薇就做盡人事,直頭借中港車牌送湯洛雯到內地俾佢與劉愷威相聚。除借車之外,林夏薇有時更會借出自己位於山頂豪宅俾佢哋密會!

劉愷威

好多藝人能夠拍攝劇集後成為好朋友好知己實在難得,而林夏薇同湯洛雯亦因拍劇集《逆緣》而成為好朋友。