年年做體檢!古天樂傾緊做「老竇」

東方日報
古天樂食無定時,照腸鏡發現有瘜肉!

藝人古天樂昨日出席保險活動時坦言因周身傷,現已屬高危級別,又自爆每年盡量都會做兩次身體檢查︰「我工作、食嘢都唔定時,報告出到嚟一切正常。試過喺腸照到有瘜肉,可能食嘢有問題。(食得杯麵多?)係食嘢問題啦!我係好鍾意食。」

提到導演王晶日前於微博自爆將開拍電影版《倚天屠龍記》,有傳他會做林峯「張無忌」的爸爸張翠山,他坦言有接洽,但詳情則賣關子。講到田啟文受訪指因市道轉差,影視圈步入寒冬,身為香港演藝人協會會長的古仔坦言就算有人肯投資,觀眾都沒有意欲去睇戲。對於有近八成幕後人「冇工開」而轉行,他表示有了解,明白為搵食都冇辦法。