【年尾盤點】今年娛圈喜事重重 數下邊個輪住結婚生BB

2019年即將結束,今年香港娛樂圈喜事真係冇停過,唔少藝人都輪住同另一半拉埋天窗同埋生BB,真係十隻手指都數唔晒呀!今日就同大家回顧一下啦!

陳法拉與法籍男友Emmanuel Straschnov於與巴黎舉行婚禮

結婚篇

今年有唔少藝人都搵到佢哋嘅Mr or Mrs. Right,好似有馬賽喺1月宣布與內地圈外男友結婚、楊秀惠承認喺年初秘嫁圈外男友、5月陳法拉與法籍男友喺巴黎舉行婚禮、8月朱千雪與拍拖5年嘅醫生男友結婚及拍拖6年嘅曾國祥與王敏奕喺9月於北海道舉行婚禮。

拍拖6年嘅曾國祥與王敏奕喺9月於北海道舉行婚禮

除咗以上藝人之外,今年結婚嘅仲有湛琪清、李彩華、Robynn & Kendy成員葉晴晴、鍾舒祺、原子鏸、沈卓盈、楊思琦、梁靖琪(Toby)、李璧琦(Becky)、何猷君與奚夢瑤、Janice Man、許芷熒(原名:許亦妮)、張致恆(Steven)、向佐、Super Girls成員Jessica(蔡明思)、陳山聰、李旻芳與黃耀英及C君與黃天頤。另外,亦有傳林峯與內地女友張馨月近日已低調註冊結婚,雖然未正式公佈婚訊,不過眼利嘅網民已發現佢哋左手無名指已戴上同款婚戒。

陳山聰與圈外女友何麗萍(Apple)喺11月舉行婚宴
拍拖5年嘅C君與黃天頤已於本月13日舉行婚禮

生B篇

至於生BB方面,今年有唔少藝人初為人父母,同時亦有再添B。好似有上年8月於峇里島結婚嘅鄭嘉穎與陳凱琳(Grace),Grace喺2月14日誕下囝囝鄭承悅Rafael、陳展鵬與單文柔上年10月修成正果,而愛情結晶品「小豬比」Quinta就喺4月中出世、黃澤鋒老婆陳麗麗喺7月,以52歲高齡誕下囡囡「小黃妃」,周柏豪與太太Stephanie結婚3年,本月初Stephanie順利誕下女兒,低調升呢成為人父。

陳凱琳喺2月14日誕下囝囝鄭承悅Rafael

今年生BB嘅藝人仲有陳嘉寳、謝婷婷、岑麗香、何嘉莉、楊愛瑾(Miki)、郭富城與方媛、樂基兒(Gaile)、張致恆(Steven)、諸葛紫岐、張嘉兒、黃婉曼、張美妮、馬賽、胡杏兒、陳少霞、何超盈、Jocelyn、吳雨霏、何猷君與奚夢瑤、何猷啟、關伊彤、蔡少芬與張晉、黃芳雯(Paula)及林子善等等。

真係恭喜晒呀!

黃澤鋒老婆陳麗麗喺7月誕下囡囡「小黃妃」
岑麗香於3月誕下囝囝吳主軒(Jacob)
胡杏兒於7月誕下細仔李奕霖(Ryan)
楊愛瑾(Miki)於3月誕下細女Emma,三年抱兩。
蔡少芬喺11月誕下第三胎,追仔成功。