幫仔仔置業 陳慧琳變色龍媽媽學放手

真係好媽媽!

藝人陳慧琳(Kelly)出席廣告首播記者會,廣告中Kelly做回母親角色,從兒子成長過程中學「放手」,令兒子懂得獨立,現場Kelly看畢廣告片後都大受感動,她鼻酸酸哽咽說:「因為都好夭到我,面對兩個仔自己都有硬心腸學放手。」席上Kelly透過簡單的問題測試後,初歸於「變色龍媽媽類」,即是懂得變通,對子女包容,是一個好好聆聽者的母親,Kelly稱都有計劃會送兒子去外國讀書,當得悉供養兩個兒子升學共要400萬,她嘩然謂:「都唔知要咁多錢。」問到打算何時送兒子到外國升學?Kelly謂:「我諗都係當年我同老公咁大嘅年紀啦,等佢學獨立,始終香港有媽咪同工人照顧,但去到外國就要學識照顧自己。」

好多嘢未教仔仔

活動後Kelly受訪,講到剛才好感動,她謂:「係呀,其實當初睇story board已經好touching,好係我諗嘅嘢,係媽媽都想為子女係開咗個頭,然後等佢獨立完成到。(對住兩個仔識放手未?)學緊,都係放同唔放之間,放太多佢又做唔到,有時我又心軟,爸爸對佢哋心腸就硬啲。」講到她沒想過要用400萬供兩個兒子升學?她說:「係冇計過嘅。我自己就15歲去外國讀書,依家大仔10歲,時間過得真係好快,好似仲有好多嘢未教佢,佢就要走。」

Kelly亦明白去升學會加快兒子成長速度,當年她15歲都是自己搭飛機去紐約讀書。問會否陪太子讀書?Kelly笑言:「口講當然叫佢自己去,但到時點都要過去先,都要同老師打聲招呼嘛!(當年你父母都冇陪你?)係囉,真係應該佢自己去。」問到將來可會幫兒子置業?她坦言:「樓就會嘅,婚就佢自己,呢個最擔心一環,佢識唔識到女子呢?(拍拖未?)未啦,人哋騷佢先得,我知㗎,我有打聽吓,八卦佢啲私生活。」

睇仔仔IG怕嗌交

可有看兒子的ig?Kelly謂:「佢未有,有實嗌交,一陣佢影晒屋企出嚟,我要日日屋企都要化妝,set晒頭,一陣影咗我喺廁所出嚟抽住條褲,咁好驚,佢小朋友唔識嘛,一陣佢攞住電話一掃,影到我好烏Wear,好恐怖呀,我要有形象㗎嘛。」Kelly稱在家中很少給兒子用電話,只會外出給他傍身,所以兒子還未識上載相片,但就會剪片,她笑謂:「有乜嘢到時要佢幫我打格仔或朦晒我個樣囉。」講到之前中秋節正是她生日,她稱沒特別慶祝,切月餅當切生日蛋糕,兩個兒子送吻已滿足。