帶囡囡見謝賢?謝婷婷返港着浴袍晒長腿

謝婷婷帶咗囡囡返香港見家人!

早前榮升人母嘅謝婷婷,非常享受湊女生活,尋日佢就上載一張喺香港酒店嘅獨照,着上浴袍大晒長腿,留言發表做媽咪嘅感受:「自從做咗媽咪後,我嘅想法唔只只有自己,我會盡我所能一直以佢為先,當我唔係同佢一齊時,我會不斷諗住佢,思考如何做得更好。雖然速度好慢,但我一直學習如何將最好嘅我畀女兒。」

原來婷婷早前帶咗囡囡Sara返港,經理人表示:「早前婷婷是帶了女兒返香港,此行主要是探望家人!謝謝大家關心!」唔知Sara係咪同公公謝賢、婆婆狄波拉及舅父謝霆鋒見咗面呢?