崔碧珈鍾舒漫同框 笑吓冇尷尬

東方日報
崔碧珈與鍾舒漫是吳浩康的新歡舊愛,難得同場現身。

鍾舒漫和崔碧珈昨日獲邀出任髮型店開幕嘉賓,兩人本來大纜扯唔埋,卻因是吳浩康的新歡舊愛變成有關連!影大合照時單文柔夾在二人中間,兩人成功避開「合照」及「對話」的畫面。

今年4月吳浩康(Deep)與崔碧珈被揭秘戀,最後兩人公開認愛。至於鍾舒漫(Sherman)與Deep分手多年,去年Deep與女友Michelle分手後,一度傳出與Sherman復合,惟最後兩人情願保持好朋友關係,Deep未幾成功奪得崔碧珈芳心。

上世紀嘅事

今次Deep的「新歡舊愛」同場,問到Sherman可認識崔碧珈?她承認第一次見:「我諗唔到你哋會問呢個添。(冇打招呼?)大家有笑嘅,佢係好有禮貌嘅女仔。(有冇尷尬?)係零尷尬!所以好意外你哋會問,自己都醒唔起,你哋先記得。(太耐嘅事?)完全唔係呢個年代,哈哈!」至於她的另一舊愛張致恒火速再做爸爸,宣布有喜,Sherman「唉」一聲說:「點解咁多嘢關我事嘅?已經唔係呢個世紀嘅嘢,都係睇新聞先知,冇刻意恭喜,相信佢做咗人老竇心態會唔同,會負責任,希望佢學習做個好爸爸,一家人開開心心。」覺得他太快又有第二胎?Sherman說這些不能控制:「小朋友係天賜嘅禮物,戥佢開心啦!」

讚友善靚女

崔碧珈對於與Sherman同場,大讚對方靚女兼友善:「之前一晚知道有邊啲藝人會出席,大家同樣喺呢行,一定有機會碰到,唔會尷尬嘅。」同場藝人還有陳展鵬、單文柔夫婦、林穎彤、傅嘉莉、何雁詩及朱潔儀等。

鍾舒漫
合照也是隔着單文柔。