岑麗香疫境開工諗過放飛機

東方日報
香香難得除低口罩,扮靚靚開工。

藝人岑麗香昨日出席護膚品活動,受訪前先清潔雙手,再戴上口罩,並用消毒紙巾抹咪。問到疫情下還出席公開活動,會否加倍小心?她透露疫情爆發前已接下工作:「諗過推嘅,不過始終應承咗,所以會做好預防措施。」

香香現時正在拍攝劇集《BB大晒》,她指公司有做好防疫措施,而自己回家入屋前會好好消毒:「鞋會擺出面,門口有蒸汽機蒸衫,消毒全身後先探個頭入去BB房。」

此外,她透露日前與家人食飯慶祝兒子一歲生日,問到可有送禮物?她笑說:「佢依家得一歲未知係咩嚟,不過就同佢玩咗Cake Smash,佢未食過蛋糕,所以畀佢試吓、任佢玩,玩到污糟晒!我哋幫佢影相拍片留念,係好好嘅回憶。」

抹完個咪先做訪問,咁就安心啦!