岑麗香留港過年 幫囝囝儲起利是錢:係佢㗎嘛,我點可以攞

岑麗香留港過年 幫囝囝儲起利是錢:係佢㗎嘛,我點可以攞

岑麗香(香香)今日(10/1)現身銅鑼灣出席新春活動,吸引近百名市民圍觀,場面熱鬧。大會準備了米奇老鼠和米妮老鼠同大家賀新年,香香見到大感興奮,仲同他們互相擁抱:「好開心見到Mickey,由細到大都鍾意佢,細個去Disneyland,我有一幅相同佢一齊影,我會記得返嗰時有幾開心。」

香香今年會留港過農曆新年,初為人母的她會帶埋囝囝Jacob外出拜年逗利是:「新年要着新衫,而家忙緊搵全家都match到嘅衫。要搵特別嘅嘢畀佢(囝囝),我又屬鼠,幫佢打扮成小米奇老鼠會好得意。會帶佢去逗利是,當然我都要派好多,開心嘅,係一種恭喜。(囝囝利是錢會點用?)會幫佢儲起,係佢㗎嘛,我點可以攞。」

香港正值流感高峰期,又有疑似武漢不明肺炎個案傳入香港,香香帶囝囝外出時都非常擔心:「要睇情況(出街),戴多啲口罩,要小心。」

另外,香香正忙於拍電影,遲些還會拍以BB為題材的新劇,她跟大家分享keep fit和保養方法:「唔建議極速修身,一定要健康方法,食嘅嘢健康啲,唔好食咁多junk food。做下運動,就算冇時間做一個鐘頭gym,都去下散步。(天氣成日轉,點保養?)用啱自己嘅護膚品,運動都好幫到,做下treatment,最緊要飲多啲水,我係有咩就食咩。」

點撃睇更多香香靚相:

點擊瀏覽《香港01》更多內容和圖集

你可能感興趣:
【BB來了】李佳芯鐵定冇得拍續集 岑麗香馬國明頂上連劇名都改埋
新垣結衣及肩曲髮帶出柔美感 短髮比長髮更美的女星還有她們?