岑麗香為仔鋪路入名校 學陳豪夫婦搬入港島區豪宅

娛樂

岑麗香婚後成為幸福少奶,專心湊仔減少工作,香香產後唔憂做零撲水壓力,皆因老公強強(Joshua Ngo)搵錢能力最強,養得起老婆囝囝有餘。最近為了讓囝囝可以入到傳統名校或國際學樣,即向陳豪夫婦取經,舉家搬入干德道豪宅。

撰文、圖片:東方新地

岑麗香為工作住近電視城 為囝囝山長水遠搬過海

回流香港,獲選為華姐冠軍與無綫簽約後,岑麗香為方便開工一直住近電視城,在將軍澳區居住。三年前結婚、今年三月誕下Jacob (吳主軒)不久,岑麗香丈夫強強今年中多次被發現在港島中西區頻頻睇樓有搬屋打算。話咁快,原來已經物色好新居一家三口亦已經遷入,日前強強、香香如常帶著囝囝於周日去北角參加教會禮拜後,齊齊驅車駛回干德道新居。

岑麗香同老公強強都係虔誠基督徒,周日例牌去北角教會出席主日崇拜,日前仲帶埋囝囝Jacob 同行。
二人驅車回到住所地牢停車場,香香負責收拾雜物開定道門,強強就包辦粗重嘢,單手抱起囝囝。

鬼妹仔性格一拍即合 同陳茵媺密密斟媽媽經

香港地競爭激烈,動輒就話贏在起跑線、一出世排定隊爭入名校幼稚園絕對冇誇張,據知情人士透露,從住足九年將軍澳區搬到去對面海住,香香都係為Jacob著想:「香香同Aimee(陳茵媺)一樣鬼聲鬼氣、一樣喺加拿大回 流,佢哋因為陳豪而相熟、因為大肚生B話題多多,成為好友密密斟媽媽經。

據悉香香兩公婆買樓、揀校為 Jacob 入名校鋪路,陳豪伉儷就提供不少意見。
年前為三個兒女入讀新加坡國際學校,特地舉家從大埔遷至南灣。

向陳豪伉儷取經舉家搬入港島名校網

陳豪兩公婆本來家住大埔比華利山豪宅,年前為咗三個仔女入讀港島區國際學校,全家搬過海入住月租七萬嘅南灣豪宅。香香搬新屋之所以揀喺中西區,就係因為聽從陳豪伉儷嘅意見,貪校網好,無論傳統名校定名牌國際學校都大把選擇。」

今年初開始物色新居密謀搬離居住多年的將軍澳,原來香香和強強已經遷入價值超過二千萬的干德道豪宅。
陀緊B時身材冇走樣,生完後更加勤做瑜伽極速修身,日前香香在 IG公開同Jacob溫馨「浴照」,就見到靚媽手腳纖幼fit到漏。
面圓圓、手腳肥到起晒𦟌的 Jacob就眼仔碌碌周圍望,面形同五官都似足童年時的媽媽。

延伸閱讀:

32歲高海寧與鄧智偉婚前盡地一煲 胸狠開工勢要上位做一姐

岑麗香取代視后李佳芯 唔追女同馬國明拍《BB來了2》