岑麗香攞足經驗開工湊仔

東方日報
香香露背迎新春。

藝人岑麗香昨日穿露背裝出席恒隆地產「“Mick” the Holidays Bright」新春企劃揭幕禮,透露農曆新年會全家留港:「囝囝第一次過新年,我都好期待。佢依家9個半月大,到時一家人可以襯新衫,着家庭裝影相。」又笑言屆時囝囝可以多𢭃利是:「我畀多啲,佢就𢭃多啲!」

心思思母子檔上陣

工作方面,她透露現時有拍戲,而2月底會拍無綫劇《BB來了2》,笑說:「依家有9個幾月湊B經驗,希望可以幫到拍劇,因為同小朋友拍戲好難。」問到會否帶埋囝囝開工?她說:「未必,但有機會都想帶佢睇吓媽咪唔喺屋企時做咩。(畀佢出鏡?)要慢慢思考吓先,要同老公傾吓。」至於現時可有獲邀母子檔拍廣告?她笑說:「交畀公司搞,初頭比較保守,但愈望佢愈得意,想同大家分享吓,同埋有個紀念。」

提到拍劇時間長,豈不是很掛念囝囝?她笑說:「唔敢諗住,有時出去做嘢幾個鐘已經好唔捨得,到時拍劇都唔知點處理!(會唔會要求工時唔好咁長?)冇特別要求,惟有同佢FaceTime,佢都認得嘅。」講到好友朱千雪傳有孕,她指最近沒見面,不知道對方是否有喜。

鼠年將至,香香同米奇、米妮影相攞好意頭!