岑麗香取代視后李佳芯 唔追女同馬國明拍《BB來了2》

娛樂

岑麗香與老公強強(Joshua Ngo)16年結婚,「老婆奴」強強為配合香香發展,乾脆回流香港發展。憑著多年經驗和生意頭腦,回港開始瞓身金融投資事業,又同香香聯名開埋網店,買得起豪宅養得起囝囝Jacob之餘,絕對大把本錢支持老婆繼續追夢!

撰文、圖片:東方新地

岑麗香取代視后李佳芯與馬國明拍《BB來了2》

生B後,香香專心湊B,唔似其他圈中媽媽密密接Job搵奶粉錢,八個月來加加埋埋都係出席過三、四次公開活動,香香都話因為放不下囝囝:「復工出門口都唔捨得佢(兒子),但返到公司坐喺度化妝整頭,感覺又好開心,因為好似做番自己鍾意做嘅事。開頭都擔心自己唔想工作,但原來返完工覺得係想繼續返,所以就好期待返嚟做唔同嘅工作。」

像每個新手媽媽一樣,返工定留在家,決定因素都係唔捨得放手寶貝仔。
香香的解決方法,除了帶埋Jacob開工,亦帶埋訂製嘜頭電話套時刻望實,最新IG開 工圖片,香香就感慨,疑似自覺未做好準備放低囝囝。

又掛住拍劇、又放唔低個寶貝仔,本來香香如意算盤係打算等到Jacob識行識走入學至開始接劇,不過遇上《BB 來了2》臨時易角,上集有口皆碑、有得同老拍檔馬國明再合作、再加上題材完全度身訂造貼合香香人母身份,思前想後,最終按捺不住戲癮決定接拍。

去年收視高企更成功帶起話題,《BB來了》趁勢開拍續集,卻因為種種原因,男女主角由三年前合拍過《為食神探》的馬明、香香頂上。

老公開綠燈支持追夢為拍劇推遲追女大計

形象討好又態度乖巧,香香一直是多位電視台金牌監製御用愛將,其實除了《BB來了2》,劉家豪年尾籌拍的重頭新劇亦預了香香。今時唔同往日,香香一早轉投王祖藍旗下經理人公司,唔使密集式還劇債、揀劇純為個人興趣,最重要過到強強一關。

老公強強(Joshua Ngo)搵錢能力最強,養得起老婆囝囝有餘。據悉強強與香香在溫哥華結識,在溫哥華卡爾加里大學畢業的強強,之後再考獲會計師牌,先後在兩大國際名牌大行從事金融管理工作,15年更晉升合夥人成為老闆之一。

據悉強強亦因為尊重老婆、鼓勵香香追夢一早開咗綠燈,只要與電視台傾妥 條件、盡量不用離家太久,新劇接拍成數極高。不過唯一犧牲的,可能就是一早說好的追女大計又要推遲。

沒有搵奶粉錢負擔,產後香香公開活動不 算密集。日前到澳門出席賽車活動跟郭富城同場,更一起上台負責頒獎。
年中為Jacob舉行百日宴時,除了花旦小生,現場仲有潘嘉德、 梅小青同劉家豪多位金牌監製到賀。 據悉形象討好又聽話,《BB 來了2》之後,家豪哥新劇亦預埋香香一份。

延伸閱讀:

32歲高海寧與鄧智偉婚前盡地一煲 胸狠開工勢要上位做一姐

岑麗香為仔鋪路入名校 學陳豪夫婦搬入港島區豪宅