岑麗香努力再造人?廖碧兒期待有好消息

廖碧兒(左)同岑麗香好老友!

藝人廖碧兒(Bernice)同岑麗香(香香)向來感情要好,雖然各有各忙,不過佢哋一有時間就把握機會見面。今日Bernice喺網上晒出二人合照,見佢依偎喺香香膊頭,並以英文留言:「喺大家為節日同屋企人忙碌之前,我哋搵到時間過咗個開心嘅晚上!依家返到我哋嘅家鄉溫哥華,好開心我哋完全冇變過。我哋好快又會再見啦靚媽,希望下次我哋會有個慶祝嘅理由!」唔通暗示緊已育有一子嘅香香努力造人中,希望快啲再有好消息?粉絲大讚兩位華姐依然咁索,真係唔畀like都唔得呀!