岑日珈小腸黐肌肉開刀

東方日報
岑日珈早前入院開刀,現已返家休養。

藝人岑日珈13歲時因為盲腸炎入院,卻因醫療事故,害她一星期內連做兩次手術,更有後遺症,每年會腸絞痛而需住院。昨日她在社交網上載吊鹽水照片,原來她今年4月底又因腸痛而動手術:「平時打止痛針、吊鹽水,唔食嘢,等條腸自行鬆番,但今次痛到狂嘔,醫生幫我插胃喉抽啲氣出嚟,啲腸發大,我個肚不停脹大,好似怪獸咁肉酸,試過有日打咗十幾支止痛針都唔得,初初以為小腸黐住大腸,後來做咗微創先睇到我條小腸唔知點解會黐住肌肉層,醫生話罕見,但微創做唔到,最終都係要開刀。」

當時正值疫情嚴峻時期,她在醫院住了大半個月,暴瘦12磅,目前在家休養。因傷口痛,她出院初期要彎腰走路,並笑說:「我成兩個月冇露面,因為冇同人講入院開刀,唔想喺呢段時間發放負能量,朋友約食飯,我話唔舒服推晒,但有朋友以為我講大話,其實我一直休養緊。」