《屍殺列車》續集《屍殺半島》 韓國人當香港係救世天堂?!

韓片《屍殺列車》2016年上映時全球大受歡迎,香港錄得6800萬票房,成為香港史上最收得嘅韓片!因為大收旺場,續集《屍殺半島》製作費足足多一倍,成為超鉅片製作,導演延尚昊早前訪問時講笑咁話,無諗過《屍》會咁受歡迎,所以完全無留伏筆,寫死咗部份角色!

不過即使喺火車度保得住條命都唔一定會參演《屍殺半島》。故事將會設於《屍殺列車》故事4年後,講述韓國因為列車駛往釜山後,喪屍病毒失控,於全國爆發而被全球孤立,淪為死城。男女主角將會由姜棟元、李貞賢接棒。

所餘無幾的生還者設法逃脫,踏上最後一艘難民船,離開被世人遺棄的朝鮮半島。退伍軍人正錫(姜棟元 飾)和家人有幸登上難民船,但一上船便發現喪屍潛伏,幸得香港收容,這批韓國人才得以上岸,以「半島難民」身分在香港重新生活。

但正錫受不住金錢誘惑,加入了一個回國竊取巨額美金的行動。他和隊友重返韓國,竟然發現仍有一班未受屍毒感染的人在掙扎求存,正錫決定帶這班倖存者逃生,喪屍群中殺出血路求生。

韓國電影人可能比香港影人更熱愛香港及港產片,從韓片不難發現佢地經常向港產片致敬,今次《屍殺半島》仲威威,直頭賦予香港一個救援者角色,人道收容呢班倖存者,據聞仲會提供武器俾佢地返韓國對付喪屍,重奪家園!

相信導演延尚昊構思《屍殺》系列時無諗到電影與現實咁巧合!雖然未至於變喪屍,但新型肺炎傳播速度之快及廣,同片中嘅喪屍毒有得揮,加上現實中防疫極重要一環包括封關,隨時成為弧島或者弧城,不過唯一唔同嘅係,香港政府對韓國無咁寬鬆,大邱市新天地教會傳染個案一出即時禁制韓國入境,人道安排只適用於指定地區!

同埋現實政府唔似會提供幫助、武器等俾韓國打喪屍,你睇政府對醫療裝備反應咁慢,依家都仲招緊標未買到口罩。如果《屍殺半島》戲內係由民間發起支援韓國,可能會更合情合理,因為香港人早早學會自救!

電影將於今年暑假在香港上映,希望屆時疫情已退,大家可以回復安心入戲院睇戲嘅日子!