屋企暈低後再出事 呂慧儀冧廠入院吊鹽水

希望快啲冇事啦!

藝人呂慧儀(長腳蟹)離婚後獨力照顧囝囝「蟹籽」之外,又要開工拍劇,忙得不可開交,早前更因遲食飯而喺屋企暈低嚇親囝囝。尋日佢最終體力不支入院吊鹽水,直至今日朝早,佢仍然未能出院,需要留醫休養,其後佢喺社交網留言:「累、睏、頭痛、煩惱、心血少,人啊,驚到盡頭是呆滯,忙到盡頭是失魂,忘了吃飯不出奇啊」好多網民都十分心痛長腳蟹,並叫佢就算幾忙都好,都要好好休息同準時食飯,希望佢早日康復!