【就嚟大結局】許雅婷飾演《倚天屠龍記》小昭一角大獲好評

許雅婷1

金庸小說《倚天屠龍記》曾經多次被改編成電視劇,而最新版本就係屬於內地版,喺無綫正在熱播中。其實劇集《倚天屠龍記》過往都捧紅咗唔少藝人,好似曾經鄭少秋飾演嘅「張無忌」、汪明荃飾演嘅「趙敏」及周海媚飾演嘅「周芷若」等等,至今依然咁受歡迎!其實除咗趙敏同埋周芷若之外,小昭呢一個角色都有唔少捧場客。而最新版本嘅小昭就係香港嘅許雅婷(Kabby)。

許雅婷2

劇中小昭聰明堅強、善解人意、溫柔和順、遇到危機時又能挺身而出。同時,小昭又心甘情願做張無忌背後嘅女人。入得廚房出得廳堂,有邊個男士唔心動?

許雅婷3

而飾演小昭就係今年24歲嘅許雅婷,2012年簽約成為周秀娜師妹,2013年參與電影《微交少女》拍攝,飾演溫碧霞個女「阿欣」。2015年與袁紫僑(Coco)、簡淑兒(Jessica)同埋溫心(Swan)組成女子組合少女標本。後來轉戰內地,參與電影及電視劇集拍攝,例如網劇《梔子花開》、電影《在1996的終點等你》及網劇《鬼谷門.蜃世浩劫》等等,內地觀眾開始認識佢。而今次喺《倚天屠龍記》飾演小昭大獲好評,更被封為「最索小昭」,都可算係佢嘅成名之作!

許雅婷4
許雅婷5
許雅婷7
許雅婷8
許雅婷9
許雅婷10