「小飛俠」林燕玲唔敢佗B外遊

東方日報
林燕玲上載與老公的拖手照,宣布佗B喜訊。

有「小飛俠」之稱的前新聞主播林燕玲,與金融才俊老公葉浩文結婚兩年,昨日在社交網報喜,宣布明年有新家庭成員加入。佗B六個月的她,上載在行山路線取景的孕照,並說:「朋友幫我哋操刀,係平路,好安全。其實冇特別話影孕照,嗰時都未見肚,好隨緣。」好友黃婉曼亦開心地攬着她合照。林燕玲透露懷孕初期孕吐不適,不敢遠行:「我好耐冇去旅行,唔敢飛,加上香港一路有工作,唔想太辛苦。結婚前成日去玩,去咗好多旅行,夠皮!」