小肥自爆失戀曾有輕生念頭

星島日報相片

【星島日報報道】J.Arie(雷深如)和小肥昨日到電台為電影《獅子山上》的合唱主題曲《哪懼牆攀不上》宣傳,小肥表示歌曲內容與電影相呼應,當人遇上低谷時,只要堅持就會找到出路,自己也遇過愛情的低谷時期,腦海曾閃過一絲輕生念頭,他說:「本身我無呢個勇氣做呢樣事,當覺得自己唔可以解決就一定要搵朋友,那段時間朋友好緊要,J.Arie都係陪我渡過的其中一位。」

J.Arie直言試過事業低潮時戶口只剩20元,需要朋友轉帳80元才可提款100元出來,希望捱到三日的使費,不過有秘撈做外國人騷賺錢,雖然家人曾叫她放棄歌唱工作,但見她近年開心番好多,亦沒有再囉唆,她說:「我諗通 !除了寫歌畀自己外,亦有不同方法做音樂,包括寫歌畀歌手或幫電影做配樂。」

文:鄺芷瑩 圖:朱偉彥

■小肥坦言失戀時最重要搵朋友,J.Arie便是其中一位。

娛樂