「小丑」華堅馮力士加入氣候變化示威被捕

出爐金球獎影帝唔夠一周,「小丑」華堅馮力士就被捕…

氣候變化問題受到大眾關注,老牌女星珍芳達(Jane Fonda)已經連續多個星期五,於華盛頓國會山莊示威,今個星期陣容強大,還加入憑《JOKER小丑》(Joker)奪得最新一屆金球獎影帝的華堅馮力士(Joaquin Phoenix)、老牌男星馬田辛(Martin Sheen)、老牌女星蘇珊莎朗頓(Susan Sarandon)與女星瑪姬佳蘭賀(Maggie Gyllenhaal)。

今次亦是珍芳達上年10月發起示威以來,人數最多的一次,警方到場,警告眾人如果拒絕離開會被拘捕。戴住黑超現身的華堅,亦呼籲在場示威者學他一樣吃素,幫助改善環境:「我有時諗得好辛苦自己可以為氣候變化做啲乜嘢。有啲嘢我係冇得避免,例如我今日搭咗飛機嚟……嚴格嚟講係尋晚。但我可以做到嘅事係改變自己嘅飲食習慣。」

華堅與馬田其後雙雙被捕,示威者總共127名被捕,被控集會阻塞罪名。珍芳達之前已經因為示威被捕5次。

華堅周五撐珍芳達,參加國會山莊外的氣候變化示威。
華堅被警方拘捕。