對余香凝大獻殷勤? 傳黃宗澤被踢爆後即「封殺」對方

黃宗澤

黃宗澤(Bosco)同胡杏兒自2012年分手後,二人生活大相逕庭,胡杏兒嫁俾金融才俊李乘德,仲生咗兩個可愛仔仔,而黃宗澤身邊女伴仍然不停換畫,未有為任何一個人停落黎。有傳三年前Bosco因拍攝《守護神之保險調查》暗撻細12年嘅陳嘉桓(Rose),Rose多次俾人影到出入Bosco住所及經常喺佢間餐廳打躉,不過二人仍堅稱對方係好朋友。

陳嘉桓 & 黃宗澤

Bosco身為一隻無腳雀仔,又點會為陳嘉桓而停落嚟。近日有傳Bosco拍攝劇集《飛虎之雷霆極戰》時對陳嘉桓嘅好姊妹余香凝獻殷勤,仲主動約佢食飯,但係余香凝無理會之餘,仲話咗俾好朋友陳嘉桓知,搞到佢哋炒大鑊。事件發生後,有指Bosco喺片場見到余香凝時會當對方透明,亦講明唔會同余香凝一齊做訪問,以後都唔會再同對方合作。

余香凝

對於傳聞雙方例牌否認,Bosco就話同余香凝開工時有講有笑,不過私底下就冇聯絡。而余香凝就話冇咁嘅事,唔係事實,而且同Bosco喺劇中對手戲唔多,私底下亦都冇聯絡,所以唔明點解會咁傳。

《飛虎之雷霆極戰》劇照
《飛虎之雷霆極戰》劇照
陳嘉桓
陳嘉桓