【專訪】Yumi鍾柔美曾參加逾100次比賽:我淨係想去學嘢

【專訪】Yumi鍾柔美曾參加逾100次比賽:我淨係想去學嘢

還記得12歲的時候,自己做過什麼?恐怕十個之中,有八個都只記得玩了什麼,如何在學校風流快活,雖然當時快樂過,但長大後回想起來,總覺得有點浪費光陰。有「甜心天使」之稱的鍾柔美(Yumi),正在經歷一個充實的童年。

甜心天使的充實童年

Yumi是一位中菲混血兒,今年12歲,剛踏入中學生活,卻擁有一個與別不同的童年。今年1月,Yumi參加了由「紅人堂體育及娛樂集團」籌辦首屆「登堂入室歌唱比賽」,憑住唱跳一首陳慧琳的《花花宇宙》奪得冠軍。其實Yumi之前是女童組合「A Little Bit Shy」的成員,亦曾參演過多部無綫劇集,例如《城寨英雄》。

《城寨英雄》於2015年8月至11月拍攝:

身經百戰

自6歲開始,Yumi展開了「比賽人生」:「到而家,我諗超過100次,我都唔記得晒。」Yumi說:「我記得我6歲嘅時候第一次參加比賽嘅時候,好開心我入到決賽,雖然我冇獎攞,但我都有個好好嘅經驗。」在踏出第一步之後的100次比賽當中,Yumi得到過的獎項多不勝數,她自己甚至連奪得過什麼獎項都記不清。對比起結果,Yumi更着重比賽和學習、練習的過程,就連獲得好成績後渴望得到的獎勵都與學習有關:「我淨係想要一個好嘅環境去學嘢。」

忙過大人

能夠不斷在比賽舞台上突破自己,學習是必須的,Yumi現時正在學習的才藝包括有唱歌、鋼琴、結他、色士風、跳舞、演戲,一個星期7日之中,除了固定的5天上學日之外,Yumi每星期仍然要上3至4節介乎1至1.5小時的才藝班:「而家就算幾攰都會堅持。」年紀輕輕的Yumi,學足6種才藝仍然樂在其中,因為她的興趣就是「表演」:「記得六年級畢業嘅時候,我係寫過『我的志願』,我係寫我想做一個好出色嘅藝人,我係想同其它人講我嘅才華,想畀人睇到我叻啲乜嘢,大個想喺音樂發展。」

曾經反抗

雖然Yumi現時視學習為一種享受,但實際上,她仍然有試過討厭上堂,現在回想起,她亦自嘲貪玩:「我記得7歲學彈琴,其實個老師對我好好,佢買咗本書畀我叫我練習同跟住彈,但最尾我唔跟譜亂咁彈,咁佢就鬧我喇,嗰時我就喊啦,扭計唔上堂,仲要每逢佢過嚟我屋企上堂,我都會攤喺張床度扭計唔上。」

學校中的「甜心天使」

「有啲同學都會叫我做甜心天使,(尷尬?)一開頭都有少少,但而家都冇乜所謂。」對比起一般人的童年,正在學習6種才藝、平均每隔約22日就有一次比賽的Yumi的日程甚至比上班的成年人更加忙碌。問她會否覺得自己與同學不同?她說:「我覺得佢哋會覺得我同佢哋唔同,佢哋會話我多才多藝,佢哋冇我咁多(興趣),但佢哋都知道我會去唱歌,跳舞,好多同學都好支持我,老師都好鼓勵我向呢個方面發展。」其實Yumi的學校生活與同其它同差不多,上課、補課、做功課、溫習、與同學們傾韓劇、電影、被男同學作弄,甚至有一段時間沉迷打機:「咪就係『食雞』(《絕地求生》)囉!之前有朋友介紹,成日都玩,入屋執槍,射人,幾好玩,不過而家好少,(點解嘅?)冇時間,因為真係好忙。」

點擊瀏覽《香港01》更多內容和圖集

你可能感興趣:
【多圖】蘭茜箍牙後變仙氣中女 當年「西瓜刨」神技超經典
江嘉敏傳要求富商遊日本買100份手信 面對傳聞佢咁樣答...