封盤唔封胸《3日2夜》咪神胡美貽撻著超級富二代

無綫早年出招「限奶令」,禁止全台女藝員暴露行性感,個個惟有乖乖封胸,搞到一班觀眾大呼無癮!前排終於傳來好消息,落實全面解封,當年大受影響嘅 J2台王牌旅遊節目《 3日2夜 》亦得以翻生,據知節目仲會重新包裝,明年升呢喺翡翠台再度出擊。號稱《 3日2夜 》「 元祖級 」咪神之一嘅26歲胡美貽(Nicole)亦會重出江湖,近日 Nicole 喺 IG 狂 po 爆乳相派福利,為節目做定熱身。不過各位男粉絲唔好咁快開心住,因為Nicole最近被影到情陷超級富二代Reeve,拖晒手行街sweet爆!

撰文、圖片:東方新地

最近天氣放晴,胡美貽嘅小背心又出籠喇!咁好陽光當然要晒吓身材啦!
樣靚身材正又青春無敵的Nicole,被揭與富二代Reeve拍拖,咪神正式封盤。

《3日2夜》「元祖級」咪神胡美貽歸位

《 3日2夜》向來以靚女著三點式玩水、浸溫泉作賣點,多年來捧紅唔少小花,張曦雯、張秀文、陳婉衡、陳偉琪等個個博到盡喺節目中著泳衣曬太陽、浸溫泉,盡騷火辣身材,更獲網民熱捧!家陣節目即將復活,一班咪神亦蠢蠢欲動,其中擁有35D逼爆上圍、「元祖級」咪神之一嘅胡美貽亦將會重出生天再度亮相!

 

2017年參選港姐落敗後即入讀藝員訓練班,翌年正式簽約TVB成為旗下經理人合約藝員。
號稱 《3日2夜》 「元祖級」咪神,擁有35D逼爆上圍嘅胡美貽不時喺IG大晒身材。
節目翻生,胡美貽近日已復出狂操練跑,為拍攝做好準備。
喜歡著貼身衫騷quali,導彈身材往往成為焦點。
拍埋另一咪神陳婉衡身邊,一啲都唔輸蝕。

自家生意受疫情影響 負面情緒爆燈暴瘦廿磅

2017年參選港姐,之後入讀藝員訓練班,胡美貽其實拍過唔少劇集如《 愛·回家之開心速遞 》、《 機場特警 》、《 黃金有罪 》、《 白色強人 》、《 再創世紀 》等等。早前於《 法證先鋒 IV 》中更扮死屍被李施嬅解剖,只著住底衫褲瞓喺冰冷嘅手術台上,專業演出獲唔少網友讚賞㖭!

早前在 TVB 熱播劇《 法證先鋒 IV 》扮死屍,由李施嬅負責解剖,胡美貽透露為求逼真,拍攝時只著內衣褲躺在冰冷鐵床上。
「限奶令」解禁!《3日2夜》「元祖級」咪神35D胡美貽歸位

除演藝事業外,26歲嘅胡美貽百足咁多爪,年前更殺入商界大搞榴槤甜品生意,仲連開三間分店,可惜近月由於疫情影響,生意一落千丈,為慳人工開支更親自出馬落舖頭幫手,樓面、打雜一腳踢,食冇定時搞到體重暴跌近廿磅,就連生理周期都亂晒龍, 再加上負面情緒影響,胡美貽自稱要睇心理醫生呀陰功!好彩家陣《 3日2夜》翻生,嚟緊10月又有工開,疫情又漸漸放緩,應該明天會更好嘅!

Nicole年紀輕輕已甚有生意頭腦,就連名食家蔡瀾都幫佢做生招牌。
雖然入行年資尚淺,但Nicole人緣不錯,視后Ali都專登去捧佢場食榴槤。

拖富二代鬧市出巡

身為新一代宅男女神的胡美貽已單身一段時間,日前佢宣布「封盤」,被影到與富二代Reeve拍拖出巡,期間又拖又攬,非常甜蜜。據知胡美貽男友Reeve今年28歲,從事餐飲、金融及外國地產生意,二人拍拖已大半年。男方家族投資有道,最近以3.3億出售持貨七十年的旺角單幢物業,名副其實係大富之家。而Reeve與不少圈中人熟落,曾在社交網上載與伍樂怡滑雪、跟JW飯敍的照片,又不時大晒名車,可以講得上係超級富二代。

有米男友唔止錫到胡美貽燶,仲唔介意做司機接送同埋陪女友行街,當日Reeve駕駛價值200多萬嘅名車送胡美貽返屋企。事後Nicole受訪時大方認拍拖,仲話依家係開心嘅。咪神封盤都唔緊要,最緊要唔好封胸就得喇!

 

胡美貽家境富裕,爸爸喺美國營商,媽媽就係醫生,做生意嘅資金都係父母贊助。
年前殺入商界大搞榴槤甜品生意,更曾入圍2019年《 港澳米其林指南 》街頭小食推介,胡美貽現時擁有馬來西亞彭亨州一幅30畝榴槤地㖭!
有好嘢唔會收收埋埋,擁有35D、24、36三圍的胡美貽經常晒水著look任睇唔嬲。
「限奶令」解禁!《3日2夜》「元祖級」咪神35D胡美貽歸位
「限奶令」解禁!《3日2夜》「元祖級」咪神35D胡美貽歸位

更多胡美貽靚相(翻攝自IG):

封盤唔封胸《3日2夜》咪神胡美貽撻著超級富二代
封盤唔封胸《3日2夜》咪神胡美貽撻著超級富二代
封盤唔封胸《3日2夜》咪神胡美貽撻著超級富二代
封盤唔封胸《3日2夜》咪神胡美貽撻著超級富二代
封盤唔封胸《3日2夜》咪神胡美貽撻著超級富二代
封盤唔封胸《3日2夜》咪神胡美貽撻著超級富二代
封盤唔封胸《3日2夜》咪神胡美貽撻著超級富二代

延伸閱讀:

《降魔的3.0》宣布開拍?!2.0結局劇情重點、未完結伏線整合

38歲譚凱琪凸肚現身孕味濃 為老公傳宗接代忍痛推劇暫別娛圈