寰亞歌手預祝聖誕 陳健安Nowhere Boys滿意2019成績

寰亞歌手預祝聖誕 陳健安Nowhere Boys滿意2019成績

寰亞旗下歌手包括釗峰、馮允謙、陳健安、黃淑蔓、黎曉陽以及Nowhere Boys的Van、Ken,日前為香港開電視節目《娛樂頭條 E-News Headline》拍攝聖誕特輯,黃淑蔓和節目主持馬梓軒充當「地獄判官」,用冷知識考驗眾歌手,輸者須接受大懲罰!

Nowhere Boys嘅Ken率先被懲罰,要即場打電話俾一位女歌手,並邀約對方共度聖誕,Ken諗都無諗就打俾同公司嘅鄧小巧。當佢口窒窒邀約小巧聖誕去唱K時,小巧機智地質問Ken說:「你是不是被逼打呢通電話?你無可能約我去街,更加不會約我去唱K,你一定係被逼嘅!」引得大家哄堂大笑。

玩遊戲之餘,眾人都不忘總結過去一年成績,陳健安好滿意話:「今年自己有份參與唱片的作曲、填詞、封面設計甚至監製工作,大家對新碟的反應又好好,我好滿足!」Nowhere Boys嘅Van則騷出婚戒說:「今年最開心當然係結婚啦,沒嘢比呢件事更重要!」語罷隨即接受眾人祝福。

點擊瀏覽《香港01》更多內容和圖集

你可能感興趣:
單飛真係比較紅?大數據分析10位單飛歌手 姜濤都只係排第5
釗峰最初原來無意出道 進軍樂壇其實只因前輩一句說話