富豪船P羅生門下集 姊妹決裂 江嘉敏插爆馮盈盈?

早前馮盈盈被爆同已故賭王何鴻燊之子何猷亨前後腳登上億元豪華遊艇開P,被指眉來眼去熱戀中。緋聞一出,馮盈盈被指想釣金龜,她即推好姊妹江嘉敏做擋箭牌,話係對方介紹,不過江嘉敏就唔認頭,仲公開猛呻畀人拖落水,當時馮盈盈未有再回應,不過昨晚,江嘉敏突然再爆seed,在ig出po暗寸有人「講緊大話」、「知人口面不知心」矛頭直指早前一齊富貴船P的馮盈盈。

撰文:東方新地

貼地女神馮盈盈去年年尾宣佈同醫生男友Martin結束四年情,單身女神大把仔媾,先同「大隻主播」鄭衍鋒(Leonard)火速撻著,喺節目《#後生仔傾吓偈》欽點對方做「男友」,仲發展到靚車任揸同返香閨,早前馮盈盈再同賭王之子何猷亨前後腳登上億元豪華遊艇開P,馮盈盈被指想釣金龜,她當時推好姊妹江嘉敏做擋箭牌,仲話係對方介紹,而江嘉敏否認後更四圍呻畀人拖落水,姊妹擺明割蓆。

馮盈盈日前卻被傳媒拍到上賭王四太囝囝何猷亨兩艘過億遊艇開派對,她著上紅色泳衣與黑色短褲大騷身材,二人被指蜜運中。
馮盈盈在IG上載滑水英姿,話「識到一班新朋友」,又話「冇撻著只有撻落水」,對於被指想釣金龜上岸,佢以一句「要上岸我寧願游水」作為回應。

馮盈盈不忿被指釣金龜

馮盈盈與醫生男友分手後,隨即傳出同加拿大籍的無綫奀星鄭衍鋒過從甚密,貼地如馮盈盈揀個條件麻麻嘅都唔出奇,不過人係會變嘅,日前有傳媒影到馮盈盈出海,同行嘅係千億富二代何家公子何猷亨,佢哋同一時間到達深灣遊艇會,喺船上又不時互望,不時咬耳仔,被指甚似熱戀中男女。

與猷亨的戀情愈傳愈盛,馮盈盈再在IG STORY上載同一張滑水相再澄清,仲話唔係默認係否認。

馮盈盈IG回應:無撻著只有撻落水

對於被指搵鄭衍峰製造煙幕,其實一心想釣金龜,馮盈盈反應頗大,佢先喺IG上載一張當日滑水的相片話:「Every time I slip into ocean, I learn something new。今年第一次出海就學到新技能Wakesurf,識到一班新朋友!又領悟到新道理。」並寫上「#無撻著只有撻落水 #緊張到我眼中只有條繩 #要上岸我寧願游水。」

其後佢再喺IG STORY留下32字留言:「大家真的只是朋友,沒有默認更是否認,請大家不要想多了,不想再添花邊新聞。」 後來她又再回覆傳媒再次澄清與何猷亨絕對不是發展中,並自爆是透過江嘉敏介紹先會認識。

江嘉敏被爆有份去船P,馮盈盈更指是透過她才認識猷亨。

江嘉敏出Po反擊

江嘉敏為人惹是非,本身已經有個電競公司高層男友Anthony,今次無啦啦同富二代扯上關係,做咗馮盈盈同猷亨嘅「媒人」,江嘉敏即呼冤冇做媒人,仲爆料話早前佢哋已經同猷亨食過飯,力證馮盈盈同猷亨唔係新相識,仲暗寸好姊妹:「佢咁多人追,使乜我介紹!」最爆就係江嘉敏反指係馮盈盈邀請佢去船P,仲話可以帶埋朋友去,擺明割蓆自保。

江嘉敏反擊絕對唔係媒人,反指係馮盈盈邀請佢去船P,所以佢叫埋兩位圈外朋友一齊去,江嘉敏更上載一張四美合照,相中馮盈盈一副戰鬥格,姣樣盡現。
25歲樣靚身材正的馮盈盈,仲要係玩得之人,要融入富二代社交圈話咁易啦!

江嘉敏語帶相關:「係咁畀人拖落水陰功」

講到好似畀馮盈盈屈佢食死貓嘅江嘉敏,其後亦喺IG上載鬆郁矇嘅照片,寫住:「Wakesurf好難丫,對於個人又怕水,平衡力又差嘅人嚟講#係咁畀人拖落水陰功#個Foucs錯晒嘅喂,有冇人Send返啲靚嘅用得嘅相畀我丫。」一句被拖落水,似有弦外之音。平時懶係姊妹情深,是非臨頭即各自飛,女明星嘅友誼就係咁兒嬉。

姊妹情不再 江嘉敏ig先開戰:「生活根本就係一場狼人殺」

富豪船P羅生門下集 姊妹決裂 江嘉敏插爆馮盈盈?
富豪船P羅生門下集 姊妹決裂 江嘉敏插爆馮盈盈?

兩女靜止了將近一周,江嘉敏突然在ig出po,上載了一張高炒眼神充滿險陰的照片,以桌遊狼人殺為主題留言:

生活根本就係一場狼人殺。
你根本唔知邊個講緊真話邊個講緊大話,亦都唔知邊個係狼人邊個先係村民。

而更貼心加上一堆hashtag:

聽到啲唔應該聽到嘅嘢

有感而發

其實世界好細

說話唔能夠亂講尤其係大話

人言可畏

真係知人口面不知心

直斥「有人講大話」、「知人口面不知心」等,意指世途險惡,遇到壞人都唔知,句句有骨,不少心水清的粉絲都指江嘉敏的言論矛頭指向馮盈盈。

有網友開名提問「說的是FYY(馮盈盈)?」

 

富豪船P羅生門下集 姊妹決裂 江嘉敏插爆馮盈盈?
馮盈盈去年底宣布和十優醫生男友 Martin 分手,前度早前就被拍到拖長髮新歡看日 落,而馮盈盈亦與鄭衍峰過從甚密。
早前馮盈盈被本刊發現連日接載鄭衍峰,其中一日由女方香閨出發,車駛到電視城附近因塞車關係停低,兩人發現記者表現驚青,鄭衍峰指向前方示意馮盈盈讓他下車。
江嘉敏有個電競高層男友Anthony,二人感情穩定,早已發展至同居階段。
江嘉敏去年25歲生日,Anthony在IG發文祝賀女友:「Happy birthday to my boss, love you 8 to the sideway as always 」並加上hastag「#mybossathome」今次捲入富二代船P事件,江嘉敏為自保唔想添麻煩,與馮盈盈割蓆亦在所不免。
被指愛與女星交朋友嘅猷亨,是陳瀅前男友,當年與陳瀅去嘉年華玩,盡顯冧女本領。
馮盈盈與江嘉敏合作拍《果欄中的江湖大嫂》而成為好姊妹,二人的共同點是極易招惹是非及講嘢唔經大腦。
兩女過去經常約埋一齊high tea影女神相呃like,今次為仔割蓆,唔知以後會唔會有你冇我呢?

急箍有米男友

新紮TVB姣花江嘉敏,之前拍無綫劇《兄弟》姣黐人夫王浩信,有傳去英國拍外景時旁若無人,不過,劇集播出後,江嘉敏已極速同王浩信劃清界線,甩得咁快原來係搵到有米筍盤,男友係電競公司高層Anthony即火速認愛,之後仲再出招挾筍盤男友同居,住正男友同父母同住寓所隔籬,近水樓台密謀入屋見家長,無非心急上岸。

緋聞女王江嘉敏
同王浩信拍《兄弟》被指姣黐人夫,江嘉敏去到英國更為對方買咖啡,私下又不停傳短訊給男方。

據知情者透露:「拍《兄弟》嘅時候,佢同Vincent(王浩信)黐得好埋,成個劇組都知,不過Kaman(江嘉敏)係叻女﹐Vincent之前同蔡思貝單緋聞搞到咁大鑊,單新聞爆咗出嚟之後就好小心,冇耐喺朋友飯局識到Anthony,知道對方有家底又有事業,即刻黐到實,借啲意要對方教佢打牌同打機,好快兩個就撻著,冇耐畀人影到佢不知幾開心﹐因為佢都驚筍盤男友畀其他女仔𥄫中,其實嗰時佢哋拍拖只係一個月!」

不時喺IG放閃
男友Anthony係城中筍盤,江嘉敏火速認愛兼公開戀情,深怕被男友飛甩。

男友Anthony貴為著名電競公司高層,對住女神女友,即變成大細路,不時同女友 一齊玩相機Apps扮可愛,個人頭像更用上二人合照!

Anthony的IG

搬正隔籬

入行初與家人同住跑馬地寓所,之後搬到西貢偏僻村屋居住,江嘉敏表面為方便返電視城開工,其實早有預謀,獨居方便冧仔纏綿唔想畀人發現。撻著筍盤男友拍拖三個月,江嘉敏已急不及待挾男友同居,為成事更刻意在男友與家人同住的太子道西寓所附近築愛巢。據知情者透露:「Anthony一路都係同屋企人住,依家Kaman搬咗去男友屋企隔籬住,男友過嚟陪佢好方便,住得咁近,其實咪係想挾Anthony 同居,男友幾分鐘就可以 返自己屋企,製造機會入埋屋見家長都易啲!Kaman 諗得好周詳!」

遊艇P羅生門 馮盈盈江嘉敏為何猷亨割蓆

 

遊艇P羅生門 馮盈盈江嘉敏為何猷亨割蓆

男友做阿四 來回十幾次

由西貢搬去男友屋企隔籬,江嘉敏搵男友幫手搬屋,當日約早上十一時 許,只見Anthony 在村屋外指示搬運工人搬嘢上貨車,江嘉敏則留在屋內 打點,全程點男友做阿四,,Anthony 來回十多次搬雜物及清理垃圾,搞了 兩個多小時,傢俬雜物塞滿成架貨車,男友搬搬抬抬十幾轉都依然咁冧,無他,姣功耍家的江嘉敏,搬搬吓嘢可以冧男友玩畫手仔,只見 Anthony 摸著江嘉敏手仔寫字喺手掌,之後她又撒嬌要寫埋一份,江嘉敏 捉住男友手臂寫嘢時,Anthony 更合埋眼極之享受,似乎女友姣功已經令他無法抗拒。

屋企有米的 Anthony,呢日放下少爺身段,幫江嘉敏不停將屋企唔要廢物,攞出外面掉!
遊艇P羅生門 馮盈盈江嘉敏為何猷亨割蓆

攞埋燙衫板

大件傢俬床褥有搬屋工人幫手搬,Anthony則幫手攞燙衫板等雜物放上自己私家車。

有男友幫手搬屋兼 做司機,江嘉敏可 以翹埋手做公主, 上車等男友車去新 居。

之後江嘉敏坐男友的寶馬座駕,跟在貨車後面一同出發,去到太子道西新居,男友先將座駕泊到自己寓所停車位,再同江嘉敏前後腳返新 居執嘢。晚上九時,兩人執嘢執到肚餓,一齊行去九龍城搵餐廳醫 肚,江嘉敏全程戴上口罩唔想畀人認出,兩人連行去食飯都好癡纏,近 六呎高的Anthony全程搭著女友膊頭行,又幫女友孭住手袋,行到路 口,江嘉敏忽然撒嬌扭抱,Anthony竟唔理路人注目將她成個抱起過馬 路,江嘉敏姣功果然名不虛傳!

江嘉敏一身便裝仲著住類似酒店的輕便拖鞋!

 

Anthony駕車載女友去到太子道,先 將寶馬座駕泊返自己寓所屋苑,再同江嘉敏前後腳行返隔籬新居。

 

屋貨車泊在江嘉敏太子道西 新居屋苑外,只見成架貨車都 塞滿嘢,除咗大件傢俬、仲有 床褥、被鋪及唔少膠箱,獨居 的江嘉敏家當多到塞爆貨車。

孖住醫肚

兩人到附近茶餐廳醫肚,吃飽飽後,Anthony醒目行去埋單,再陪女友行返新居。

遊艇P羅生門 馮盈盈江嘉敏為何猷亨割蓆

Anthony對女友照顧無微不至,行街仲幫女友孭埋手袋, 行到去路口,女友突然撒嬌話攰扭抱,他更man爆將女友 成個抱起過馬路,江嘉敏腳撐撐,搞到男友鬼咁high!

遊艇P羅生門 馮盈盈江嘉敏為何猷亨割蓆

蜜月期

搬屋靠晒朋友,江嘉敏負責發號施令,但竟然要求全程主力搬搬抬抬嘅男友為她按摩膊頭。

遊艇P羅生門 馮盈盈江嘉敏為何猷亨割蓆

 

女神公開認與30歲的電競公司高層Anthony拍拖,難怪心情都靚啲,她在IG表示心情如笑容般相當燦爛!


 

Anthony起底 有才有米

身高六呎的Anthony Cheng 在美國加州柏克萊大學畢業,在本地一間著名電競公司擔任產品部總監,家住太子道西價值千多萬港元的豪宅,平時駕駛名車出入。男友年紀輕輕已事業有成,難怪江嘉敏對戀情都直認不諱。

 

公司要員

電競公司的老闆之前就上傳同員工聚會,佢大讚眾人好幫得手,齊齊推動及帶領電競事業,而Anthony(白色衫)是其中一員!



 

愛同藝人合照

Anthony都鍾意同啲星影相,之前佢就把許廷鏗及側田嘅合照放過上Facebook,見到桂綸鎂嘅巨型相片,Anthony企埋去合照仲留言話「She is so into me~」似乎鍾情於氣質型美女!唔知喺Anthony眼中,女友江嘉敏又屬於邊種類型嘅美女呢?

IG隔空傳情

Anthony的IG設定為私人賬戶,未有對外公開,但見江嘉敏都有Follow!而之前女友心情似乎欠佳,上傳史諾比卡通圖片話想要一個抱抱,Anthony雖然未有多言,但就留下一個彩虹圖案鼓勵她!

遊艇P羅生門 馮盈盈江嘉敏為何猷亨割蓆
遊艇P羅生門 馮盈盈江嘉敏為何猷亨割蓆

 

細數江嘉敏歷代緋聞男友

1. 何廣沛

相信大家有睇TVB嘅話,對何廣沛呢三個字都唔陌生,皆因佢喺台慶劇集《跳躍生命線》入面飾演吳卓羲2.0,即係衝動到爆嘅角色。

https://www.instagram.com/p/BpUyTVzAbxh/

何廣沛同馬德鐘喺《跳》入面做救護拍檔,同羅天宇則為兄弟兼同事。


 

入行5年嘅何廣沛,其實第一套拍嘅劇係《愛回家》,不過第一部有角色名嘅劇集就係《女人俱樂部》,當時佢演飾吳啟華後生版,迷到萬千少女。

《女人俱樂部》宣傳活動
《女人俱樂部》宣傳活動

何廣沛同Kaman第一次合作就係拍劇集《親親我好媽》,而呢套都係Kaman入TVB後第一套劇。

遊艇P羅生門 馮盈盈江嘉敏為何猷亨割蓆
《親親我好媽》宣傳活動

江嘉敏同何廣沛喺劇中飾演學生哥,二人共譜戀曲,嗰陣時有網民都覺得佢哋好襯,兼傳戲假情真。

遊艇P羅生門 馮盈盈江嘉敏為何猷亨割蓆
遊艇P羅生門 馮盈盈江嘉敏為何猷亨割蓆
遊艇P羅生門 馮盈盈江嘉敏為何猷亨割蓆


2. 黃嘉樂

現年39歲嘅黃嘉樂入行已經18年,初時係做唔顯眼嘅角色,不過後來就有做男配角嘅機會,可惜17年嚟都依然無擔正機會。



江嘉敏 攞正牌攬頭攬頸

江嘉敏同黃嘉樂因為拍《果欄中的江湖大嫂》而認識,有指佢轉移目標去劇中男友黃嘉樂,更加有恃無恐攞正牌一樣每日在個人社交網絡發布二人日對夜對攬頭攬頸新動態。

明知對方有正印攝影師女友,慣犯江嘉敏一樣開工黐實黃嘉樂,收工有意無意短訊撩吹水,進攻型行徑連同劇演員亦睇唔過眼。

 

在《果欄中的江湖大嫂》演一對,江嘉敏大條道理在社交網絡po甜蜜劇照,表面宣傳劇集內裡留言引人遐想。
江嘉敏

 

一向喜歡年長大哥哥,江嘉敏因為新劇與黃嘉樂混熟,還趁工作日見夜見不斷向高大靚仔又上位中的黃嘉樂示好。
江嘉敏

黃嘉樂跟得女友放閃不停

面對Kaman攻勢,黃嘉樂現實嘅女友就以每日一po反擊,連朋友都頂唔順形容Samantha為「長期閃光彈」。

本來聽晒男友話低調處理戀情,近月為防發電機江嘉敏,黃嘉樂攝影師女友Samantha亦開始在IG出招,每日一po放閃、每次都tag埋男友霸地盤。
江嘉敏 Samantha
江嘉敏 Samantha

宣示主權

據知情人士透露,正印要宣示主權原來係為江嘉敏所逼:「其實佢哋今年5月2日至啱啱拍拖一周年,嘉樂雖然話過想儲兩年錢先結婚,但係變數可以好大,兩年後身邊係邊個邊有得保證。Samantha同嘉樂年紀差唔多、唔想再浪費時間,同埋真係覺得男友好仔唔想錯過。」

黃嘉樂拍拖拍得低調,個人IG劇集女友出鏡多過正印女友,不過Samantha就日日update拍拖動態,買情侶鞋、過情人節、生日咀嘴都照po 。

 

不用外出工作時Samantha亦樂得跟實男友做跟班攝影師、出席所有男友朋友聚會,抓緊機會確定自己阿嫂身份。前排與黃嘉樂孖住出席林子善婚宴。

 

知情人士續說:「本來Samantha對男友好有信心,都冇諗過要搞咁多嘢,不過江嘉敏咁進取惟有見招拆招,除咗返電視台,男朋友去到邊、見咩娛樂圈朋友Samantha都跟到實,次次仲要打埋卡晒恩愛,又成日旁敲側擊叫嘉樂快啲求婚畀啲表示,都係為咗全世界都知佢係嘉樂嫂、希望有人知難而退啫!」

三十多歲Samantha雖然唔夠23歲江嘉敏嫩口,但身形健美又有主見,經常自晒bikini,身材不比電視台小花差。
江嘉敏 Samantha

 

與黃嘉樂年紀相若的 Samantha是資深婚禮攝影師,不時還親自上陣做model,氣場十足身材亦有睇頭。
有十年婚禮攝影經驗的Samantha在攝影圈薄有名氣,又因為同圈中人熟絡與黃嘉樂不乏話題,去年黃嘉樂老友張頴康帶埋老婆囡囡拍大肚照,亦是Samantha操刀!

 

3. 王浩信

近日每晚播嘅《兄弟》都見到Kaman同王浩信,因為劇情要求要去英國拍攝,當時Kaman就被指姣纏有家室嘅王浩信。被問到會否與王浩信保持距離,以免再傳緋聞,佢笑話:「都冇咩嘢要避忌,因為我同佢只係傾劇本同埋講吓啲感情戲點處理,如果咁樣都被人講,即刻要完全唔傾偈,唔講嘢!不過我媽咪都有問我單緋聞係咪真,我話『你話呢?』」

遊艇P羅生門 馮盈盈江嘉敏為何猷亨割蓆
遊艇P羅生門 馮盈盈江嘉敏為何猷亨割蓆


自薦幫王浩信搽油

早前二人接受《東張西望》訪問,王浩信話拍打拳戲期間,工作人員幫佢喺皮膚搽油不下數十次,在旁的江嘉敏笑話:「下次呢啲粗重嘢留畀我呢啲細嘅做!」王浩信聽到後尷尬笑話:「我嗰個年代啲女仔都唔係咁嘅⋯⋯」!

賣萌係江嘉敏的強項,王浩信少啲定力都唔掂!
遊艇P羅生門 馮盈盈江嘉敏為何猷亨割蓆

延伸閱讀:

《那些我愛過的人》1-5集劇情:黃翠如學拳、爭產、賣保險,演技挑戰有伏線!

《降魔的3.0》宣布開拍?!2.0結局劇情重點、未完結伏線整合

遊艇P羅生門 馮盈盈江嘉敏為何猷亨割蓆

拍親劇都傳緋聞,王浩信見識過江嘉敏電力後亦都開始避忌,《兄弟》拍攝後半部,就刻意與女方保持距離。
4. 余德丞

江嘉敏

早前踢波暈倒入院嘅余德丞同Kaman拍重頭劇《危城First Lady》,Kaman有得同小鮮肉朝夕相對,仲唔開行發電機咩……

遊艇P羅生門 馮盈盈江嘉敏為何猷亨割蓆
遊艇P羅生門 馮盈盈江嘉敏為何猷亨割蓆

二人不時會喺IG上載合照,並有Hashtag#余德乘嘉敏,因此當時傳出兩人已拍拖幾個月。


遊艇P羅生門 馮盈盈江嘉敏為何猷亨割蓆
遊艇P羅生門 馮盈盈江嘉敏為何猷亨割蓆
遊艇P羅生門 馮盈盈江嘉敏為何猷亨割蓆

5. 黃建東

啱啱過去嘅《萬千星輝賀台慶》,其中一個環節係幾位藝人同時彈琴,而一向拍開惡搞片嘅黃建東(東東)亦有份參與其中。原來佢8歲開始就學琴,仲表示對上一次喺TVB彈琴已經係2011年香港先生選舉嘅才藝表演。

東東喺2011年參選香港先生,獲得「演藝潛能大獎」獎項


東東喺Instagram表示:「江嘉敏話未見過男仔彈琴,我彈完之後佢話愛上咗我。但係佢啱啱宣佈應有男朋友,咁我…點算啊?」

遊艇P羅生門 馮盈盈江嘉敏為何猷亨割蓆

之後東東再PO相,寫道:「呢個少女話未見過男仔彈琴,聽完我彈之後紅都面晒,仲開始叫我做愛人添。 你隻衰豬咁樣望住我,搞到人哋個心肝仔卜卜跳添…」

江嘉敏含情脈脈望住東東,唔通真係愛上咗佢?

 

遊艇P羅生門 馮盈盈江嘉敏為何猷亨割蓆
見到「愛人」出PO,江嘉敏都忍唔住留言回應

 

江嘉敏 初熟水著曝光

拜去年一套《親親我好媽》純情學生妹形象所賜,江嘉敏成為新一代氣質女神,火速在網絡走紅,獲讚又pure又true!

江嘉敏拜去年《親親我好媽》純情學生妹形象所賜,成為新一代宅男女神,火速在網絡走紅。
江嘉敏17歲已經狂拍私影,做Model經驗豐富,不過水著晒身材就不常見,睇怕今次又令班宅男暈其大浪!
遊艇P羅生門 馮盈盈江嘉敏為何猷亨割蓆

江嘉敏 去年登Google人氣搜尋第1位

近年忙於拍劇的Kaman,成為2017年Google人氣搜尋女藝人,擊敗神奇女俠Gal Gadot和話題港姐雷莊𠒇,成為2017年Google人氣搜尋女藝人!

江嘉敏早在17歲已經狂拍私影,做Model經驗豐富,不過水著晒身材就不常見,其實佢曾跟《新假期》出過不少Trip,除了文青look示人,佢去過馬爾代夫影三點式,大晒噴血身材呀!大家一齊睇吓佢啲靚相,就知Anthony好識揀!

這張男友視覺,樣子清純,無過份「人工化」的靚樣,天呀!

入大台前,Kaman其實拍過獨立電影同港台劇,她不算好靚,但順眼、清純女學生形象令人形象深刻;在Google香港2017年熱爆搜尋女娛樂名人中,江嘉敏跑出榮登第1名,證明清純玉女形象係男女通殺!

其實Kaman 2012年已入行開始拍微電影,影相扮家政婦比結衣BB絕無輸蝕。

 

遊艇P羅生門 馮盈盈江嘉敏為何猷亨割蓆

太可愛!聞說Kaman私下勁鐘意食嘢,唔似得有啲女仔扮細食,咁都瘦,羨慕!

文青女神Look

話說Kaman 2014年剛拍過麥曦茵執導的《曖昧不明關係研究學會》及港台劇,開始為大家所認識。閒時也有接Model工作,這次第一次同《新假期》來到台灣宜蘭住民宿,盡顯文青動靜皆宜的一面。

遊艇P羅生門 馮盈盈江嘉敏為何猷亨割蓆
帶無死角模特兒出trip,對攝影師嚟講最易返到靚相。

 

Chur爆行程 影相即入戲

不要以為Kaman日日住靚民宿就好正,Kaman朝朝晨六咁早起身化妝, 由食早餐開始影,Chur 盡一日又轉民宿,都未計有兩日攝時間太平山國家公園去行山影紅葉。不過新入行的她都咁專業,抵佢紅!

Kaman識鋼琴達演奏級,又讀名校,文青外型女仔都Buy。

 

台灣之行集中在宜蘭好山好水的地方。Kaman 住了3間民宿,中間踩單車(但文章無乜著墨),又去太平山國家公園看紅葉、整溫泉蛋,大多數時間就留在民宿影靚相、做訪問。

在太平山國家公園整溫泉蛋,要忍住熱影相,個樣幾趣怪!

 

平時Kaman 都會踩單車,影文青造型,easy啦。
遊艇P羅生門 馮盈盈江嘉敏為何猷亨割蓆

 

出trip不為交差 全情投入旅程

好多Model出trip在鏡頭前入戲,表現出好味道或者好當地人有互動,但一熄機便不交戲,繼續玩電話對世事不聞不問,但Kaman是少有會enjoy旅行嘅model,所以鏡頭前後都好易捕捉到她與當地人談天的小動作。

同Kaman出trip的記者回憶,私下Kaman好爽朗。

 

和民宿的主人和小柴犬,Kaman玩到勁開心。

 

在民宿訪問時,Kaman都樂意聽主人講故事,完全無明星架子。

 

鏡頭之下,當時的記者憶述,Kaman都真的很喜歡食甜品,每款都好有興趣試,絕不扮細食懶矜持。但Kaman都好有禮貌、好識做,問過大家先開動。來到京都的人氣和菓子店,和老闆合照笑到見牙唔見眼。

遊艇P羅生門 馮盈盈江嘉敏為何猷亨割蓆


記者叫Kaman擘大個口食,她無嫌甫士唔靚!

遊艇P羅生門 馮盈盈江嘉敏為何猷亨割蓆

 

慳妹出Trip唔亂買嘢

Kaman在早年的訪問有提過,自己好鍾意演戲,為了Casting 同多點演出經驗,平時的Job無錢都會接。所以記者憶述當時去到日本,Kaman 不會瘋狂Shopping,是「慳家敏」一名。但就好愛錫妹妹,不買東西給自己都要買手信給妹妹!

招牌式開朗笑容。
遊艇P羅生門 馮盈盈江嘉敏為何猷亨割蓆
遊艇P羅生門 馮盈盈江嘉敏為何猷亨割蓆

賢妻家政Look

再來日本,今次Kaman來拍攝東京爆買家電家品特輯,據知Kaman雖然出身小康之家,不過也會在家煮飯,對於拍攝時的飯煲、焗爐她都有興趣。

去Bic Camera影相,著件工作人員衫,我實幫襯呢位店員!

 

罕見入廚賢妻造型

Kaman劇中多數都演清純學生,今次同《新假期》去東京買家電,要她扮賢妻都無難度,據記者講有不少食物都是Kaman幫手處理!

據知Kaman對飯煲都好有興趣。
招牌甜笑,睇嚟扮演月薪嬌妻都無問題。

 

扮吸塵又晒下長腿。

 

最後來多個長腿Look,煞食!

 

初熟水著曝光

江嘉敏17歲已經狂拍私影,做Model經驗豐富,不過水著晒身材就不常見!

遊艇P羅生門 馮盈盈江嘉敏為何猷亨割蓆

無綫小花江嘉敏清純又得,性感都得!

遊艇P羅生門 馮盈盈江嘉敏為何猷亨割蓆

 

健康做瑜珈,Sport Bra造型碎料。
呢個封面位,據攝影師講試咗幾shot就收貨!

 

三點式坐床上,喂!唔好再FF!
呢張男朋友視覺真係無敵!超多幻想空間!咪心邪,我指超甜美笑容,救命呀!

 

三點式出浴照!無懼水沖落嚟的素顏樣!
遊艇P羅生門 馮盈盈江嘉敏為何猷亨割蓆

 

遊艇P羅生門 馮盈盈江嘉敏為何猷亨割蓆
遊艇P羅生門 馮盈盈江嘉敏為何猷亨割蓆

 

遊艇P羅生門 馮盈盈江嘉敏為何猷亨割蓆
遊艇P羅生門 馮盈盈江嘉敏為何猷亨割蓆

 

-870x1024

延伸閱讀:

2021年香港公眾假期攻略+假期日曆;明年4個紅日在周六!