家有小霸王 陳豪任點唔嬲

東方日報
孻女是小老虎,陳豪笑指家中各人都很遷就她。

藝人陳豪昨日出席手錶活動,他透露有為三名子女預留家傳之寶,但要思考如何分配。他笑言兩名兒子現時的目標是其手機,細女的目標則是太太陳茵媺的化妝品:「細女好貪靚,有次睇到網上短片教化妝,佢即時雙眼發光!女仔天生貪靚,貪靚係好事,咁先會靚。(怕唔怕佢畀男仔追咗去?)我對個女有信心,佢唔係普通女仔,係小霸王、小老虎,會食住啲男仔,佢好清楚自己做乜。(點樣小霸王?)細細個已經好有波士性格,會指揮大家做啲乜。佢係孻女,大家都對佢疼錫多少少。」並笑指囡囡有指揮他及兩個哥哥:「哥哥有時唔聽佢講,但佢又冇嘢喎,真係獨立,幾叻女。(你好偏心細女?)冇,個個都叻。」

陳豪為仔女預留家傳之寶,人人有份!