家族優良基因冇得輸 「朱凌凌」吳偉豪仲有三個高質兄弟

吳偉豪 & 三位兄弟

無綫處境劇《愛‧回家之開心速遞》深受觀眾喜歡,連帶唔少劇中演員成功入屋,當中包括飾演朱凌凌嘅小鮮肉吳偉豪(Ricco)。

今年只有21歲嘅吳偉豪(Ricco),靚仔又有型。喺2015年,佢決定放棄修讀大學課程,喺做公務員嘅父母鼓勵下,決意投考第28期無綫電視藝員訓練班,之後正式加入無綫成為合約藝人。

Ricco經過不斷努力,好幸運地被邀請加入《愛‧回家》大家庭,先後飾演《愛‧回家之八時入席》嘅禾仔以及《愛‧回家之開心速遞》嘅朱凌凌,與「安仔」周嘉洛及「阿壯」焦浩軒成為「兄弟幫」,為劇集帶來唔少生氣及搞笑場面。

小康之家出身嘅Ricco,從少修讀國際學校,所以英語特別流利了得。除咗佢之外,原來佢仲有兩位同樣高質嘅哥哥同一位弟弟,一樣青靚白淨同埋高大靚仔。大哥係任職7年嘅香港消防處消防隊長、二哥係一位上年畢業嘅飛機師,弟弟更係一位模特兒。

佢得到全家人嘅支持,工作亦叫穩定,Ricco為咗唔想有負面新聞影響自己,平日空餘時間會做運動更已經謝絕與朋友飲酒消閒,免得被其他人誤會自己貪玩又爛飲。

吳偉豪
吳偉豪
吳偉豪
吳偉豪