【Yahoo 飛王】宮崎駿迷mark實!「吉卜力的動畫世界」8月抵達香港

向來日本動畫大師宮崎駿及旗下製作團隊「吉卜力」嘅出品,喺香港都有唔少捧場客。你去過東京三鷹市嘅吉卜力美術館,見到大量香港人就知!

今個暑假未有新作,但係呢個活動,比起新片更令人興奮。名為「吉卜力的動畫世界」嘅展覽,即將於8月襲港!

展覽以巨型立體場景,重現高畑勲導演與宮崎駿導演多部名作的經典時刻,當中包括《龍貓》、《天空之城》、《魔女宅急便》、《飛天紅豬俠》、《百變狸貓》、《幽靈公主》、《千與千尋》及《哈爾移動城堡》,實現粉絲走進吉卜力幻想世界的願望。

每個場景與裝置均由吉卜力工作室設計,日本團隊親赴香港監督,極盡考究。包括以手繪壁畫的方式,為展區的牆壁地面上色校色,加上燈光、音效、影像、錯視原理,帶給大家恍若置身電影中的奇幻華麗。入場人士更可以與喜愛的角色盡情互動,成為故事中的一份子,以照片延續最初的感動。

有得睇又點夠?現場當然設有香港版期間限定商品,將回憶帶返屋企啦。聽日(星期二)就開始發售「早鳥」門票,想8月就睇到呢個展覽嘅fans就要出手!

《吉卜力的動畫世界》香港站

展覽日期:8月3日至11月3日

展覽地點:Portal 6311 (九龍灣常悅道18號)

票務詳情:http://www.ghiblihk.com

門票開售日期︰6月11日

售票途徑︰Cityline 及 Trip.com 發售