宮崎駿名作《夢幻街少女》真人版落實開拍 純愛能否十年後延續?

串流平台內容越嚟越豐富,今日Netflix仲宣布同吉卜力工作室簽訂協議,2月開始陸續會有宮崎駿動畫電影,包括《龍貓》、《魔女宅急便》、《幽靈公主》、《千與千尋》等21部作品上架,套套有齊28種字幕及20種配音,絕對係吉卜力動畫粉絲們嘅喜訊!

宮崎駿動畫睇完可以再睇,經得起時間考驗,而且涉及嘅題材廣泛,其中1995年《夢幻街少女》講述青春少女、少年尋夢互相扶持,為學業為理想為初戀全力而赴。高中最後一個學期的暑假,月島霞正沉迷於翻譯外語歌曲及埋首閱讀,夢想成為一位作家。她發現所讀的書都有一個叫天澤聖司的名字。 

有一天,在偶然替他爸爸送午餐時,佢終於遇上了那位書中的少年天澤聖司,原來他快要遠赴意大利進修小提琴,雖然兩人即將分隔千萬里,但無礙二人為前途、探索自己才能而努力,並互相祝福。

動畫版嘅天澤聖司嘅配音演員,係而家當時得令嘅高橋一生(當時只有14歲)。除咗純愛情節讓人感動,月島霞埋頭小說創作,質疑自己有無寫作才能患得患失嘅心情,相信唔少人青春期都經歷過,對於佢地二人學成後仲有無進展亦相當好奇,近日終於宣布有續集!

《夢幻街少女》將會開拍真人版電影,分別由日劇《我是大哥大》25歲女星清野菜名飾演月島霞,18禁電影《娼年》男星松坂桃李飾演天澤聖司。故事發生於動畫設定嘅10年後,講述已長大成人嘅月島霞放棄咗成為小說家,於出版社做兒童小說編輯,為咗賣書而拼搏;而天澤聖司則繼續於海外進修,與霞漸行漸遠…

電影將由日劇《仁醫》、《Rookies》、《繼母與女兒的藍調》導演平川雄一朗執導,預計於9月日本上映,希望屆時香港會上啦!