定情電話殼洩蜜 湯洛雯鋼管舞冧仔?

東方日報
湯洛雯

轟動全城的「明湯戀」最近一直是熱話,有眼利網民發現湯洛雯(靚湯)每次與男友馬國明拍拖都特別「錫身」,以長袖衫及長褲包到冚,原來背後有苦衷!靚湯在社交平台晒相透露最近幾個月都開古裝外景,被蚊咬到全身蚊癩,為免一身恐怖疤痕嚇走大家,只好以布遮醜,並無奈反問︰「有哪個女生夏天不想穿裙子呢?」

可能呻完即刻有男友呵番,見她轉個頭已心情靚靚整指甲,更不經意洩蜜,令定情電話殼曝光,上面是代表她的獨角獸在代表男友的駿馬前跳鋼管舞,並寫上「YOU」及「ME」,搞笑得嚟Sweet爆!

湯洛雯晒指甲,順道晒埋甜蜜蜜的電話殼。