宋熙年下廚陳智燊搶住「操刀」

東方日報
傳統上大肚婆避免使用利器,故宋熙年只是揸鑊鏟,由老公「操刀」。

藝人宋熙年現正懷有第二胎,廿四孝老公陳智燊(Jason)對她照顧得無微不至,一有時間就留在家中陪伴。日前兩口子在家下廚,並拍片教大家炮製海南雞,過程中所有「粗重」功夫如拎雞、浸雞、斬雞等,都由Jason一手包辦。

宋熙年大讚老公斬雞有一手,她說:「斬雞係陳生嘅強項,佢唔識煮嘢,但斬雞真係好叻,大家可以先睹為快,睇吓陳生嘅斬雞技術,真係出神入化!」見Jason三、兩下手勢便將整隻雞斬件,並整齊地擺盤,賣相高水準。