【安心後遺症】許志安一聽到「心穎」即時擰頭走人

許志安

上年4月,許志安同黃心穎被爆出車內纏綿片段,「安心事件」後二人形象直插谷底。男方就立刻開記者會道歉,話自己係一個壞咗嘅人,更宣布全面暫停幕前工作。而女方就選擇去美國避世8個月,兼與馬國明分手。黃心穎喺上月中高調返香港,而無綫先後播放劇集《牛下女高音》及《丫鬟大聯盟》疑似為心穎試探水溫為復出舖路,不過至今仍然有唔少網民話唔想見到佢。

事隔咁耐,許志安同Sammi 成功修補關係,仲曾經被影到佢哋出發去旅行及甜蜜行超市,睇嚟佢哋已經雨過天晴。另外,有傳安仔已經同經理人公司續約,仲計劃下半年復工。近日有傳媒拍到許志安約咗健身教練同朋友食TEA,記者問成佢最近日活如何,佢笑笑口回答話唔錯,有做運動。本來一直同記者都有傾有講,又有講到疫症,但一問到黃心穎同Rubber Band成員泥鯭(黎萬宏)傳出拍拖後,佢即時擰頭立即離開。