【安心偷食】黃心穎形象插水 網民集氣要求《開心速遞》換歌 !

東方新地 - 娛聞

黃心穎許志安昨日(16/4) 被爆偷食,「安心戀」曝光後引起全港關注。除了主角們的家人和與他們樣貌相似的人受牽連外,無綫處境劇《愛・回家之開心速遞》亦牽涉其中,全因黃心穎主唱該劇主題曲《在心中》。

原文:新假期-Evita|圖片:Instagram、劇照|編輯:東方新地

延伸閱讀:

【安心偷食】憔悴馬國明首現身 Man爆保護黃心穎

黃心穎IG正式回應安心偷食 「對不起 我做錯了」

觀眾要求《愛.回家》換主題曲

星期一至五,晚上8時正於無綫播出的處境劇《愛・回家之開心速遞》(下稱:愛・回家) 自播出後深受觀眾歡迎。本年1月無綫電視戲劇製作助理總經理曾勵珍指劇集會「添食」至720集,更期待可以超越有1,128集的《真情》,誰知主唱《愛.回家》主題曲的黃心穎突然爆出搭上有婦之夫許志安的醜聞,引起觀眾在網上熱烈評擊。

黃心穎
黃心穎為《愛・回家之開心速遞》主唱主題曲《在心中》
黃心穎為《愛・回家之開心速遞》主唱主題曲《在心中》

「安心戀」曝光後,大批網民到不同的社交平台留言,大鬧黃心穎及許志安的過份行為,亦有不少網民要求TVB能夠換掉《愛.回家》的主題曲,指「聽到會諗起偷食畫面」等等。

另外,亦有網民要求找回欣宜唱主題曲!

據知黃心穎最大的目標是做歌手,為了實現夢想,不斷聽演唱會及結交歌手,不過今次爆出「偷食事件」,TVB高層指將會雪藏心穎,未知其歌手夢又會如何呢?

許志安、黃心穎偷食斷正

昨日,一段長約16分鐘「安心偷食」短片流出,片段中安仔、心穎和男友人坐在車廂後座,男友人堅持先送心穎返家,戴了黑色口罩的心穎爆粗反對:「唔好扮嘢啦!X你!兜X咗我先?」安仔都撐心穎話要先送男友人返屋企,心穎再向男友人爆粗:「你住邊呀?X你!佢(安仔)送我返去呀!」安仔叫司機把車開去大坑,期間心穎曾主動蹺實安仔左臂挨在他身上,又用手袋遮掩偷偷地十指緊扣。約3分鐘後男友人抵家預備落車,安仔話:「而家你走先,跟住我返我屋企,佢(心穎)返佢屋企。」男友人:「你講堅?」安仔:「係,堅!」但男友人落車後二人跟司機說:「鯉魚門(心穎寓所地點)!」

根據黃心穎、許志安在片中的衣著打扮,相信出事短片是4月3日二人出應朋友的飯局之後!
黃心穎又靚又好身材,入行後緋聞不斷,如今仲偷食鄭秀文老公許志安,相信星途凍過水!

友人下車後,心穎隔口罩咀了安仔一啖,不久索性除下口罩攬住安仔咀嘴,安仔將手貼在心穎大腿上,之後又忍唔住十指緊扣心穎,由大坑到鯉魚門短短10多分鐘車程,期間二人連環咀逾20次,心穎好進激,全程採取「主動」情挑安仔不停攬他狂錫,但安仔也有回敬心穎錫她面珠一啖,睇番二人當晚未覺有醉意,兩人到心穎香閨後齊齊落車,後事如何佢哋最清楚!

黃心穎曾在IG上載跟安仔、方力申、劉浩龍、梁漢文、丁子高等出席男友人生日飯局的照片,二人的打扮跟車廂偷食的衣服一模一樣。
報道指黃心穎同安仔近月行得好埋,連朋友都聞到陣除!

去年10月,心穎同安仔在大台「星光熠熠耀保良」拖手合唱《會過去的》,就是由安仔身邊的男同事安排。當晚,心穎跟安仔合唱後,亦有在IG上載合照,心穎在IG寫:「好記得某年暑假、車上不停loop住《一步一生》呢首歌,當時我點都唔會估到十幾年後會有機會同安仔在台上合唱。世事真係好微妙。仲係人生第一次踏上紅館的舞台!Thank you 安仔好好咁不停同我地rehearse。」

黃心穎與許志安於2018年10月為籌款節目《星光熠熠耀保良》合唱,二人在台上手拖手獻唱合唱歌曲「會過去的」,當時已經默契十足,不時情深對望。
黃心穎都有Follow安仔IG!

心穎更不時於安仔IG留言,言詞表現曖昧!

許志安為「安心偷食」事件 爆喊鞠躬道歉

晚上七點,許志安舉行記招交代偷食事件,於黃柏高陪同下現身,全黑打扮嘅安仔向大家道歉鞠躬,坐低即爆喊話:「親口同大家講對唔住,為我家人,Sammi家人、同朋友道歉,自己做咗不被原諒嘅事,呢個錯我深深反思,我係醜惡嘅人,今日係承擔責任。我嗰晚飲咗好多酒,但呢個唔係藉口,好難面對接受自己。」

許志安
許志安

安仔續說:「我覺得自己好丟臉,我嘔心、好陌生,我有深刻既反思自己,點解去犯呢個錯誤點解唔可以控制自己犯呢個錯,起咗呢個色心。我覺得係承擔責任度,我會分兩個部分,第一個部分,我會暫停自己工作,直至搵番真正嘅自己。第二係心靈上面,我覺得自己不知所謂,我嘅行為令身邊人咁大壓力同痛苦。」

安仔表示自己做咗「不可離補、不被原諒嘅事」,將會暫停演藝工作,以重新檢視自己嘅安仔再續指:「希望將來一些被我整傷的人,呢個報道令我反思,我迷失咗我自己,我對唔住Sammi,我唔知點去走我以後嘅路,呢一刻係冇咗靈魂,我係一個壞咗嘅人,希望大家可以畀時間我搵番我自己,我要同所有朋友講對唔住」,之後鞠躬5秒後離場,並未有回應在場傳媒提問!

延伸閱讀:

大肚胡杏兒帶囝囝聚會 鍾嘉欣囡囡賣萌搶fo