「宅女」悶到慌 胡美貽起跑放飛彈

東方日報
Nicole做完熱身就起跑,沿途唔少人眼望望。

擁有34E豐滿上圍的胡美貽憑旅遊節目《3日2夜》彈起,惟近日受疫情影響,不少工作煞停。她積極裝備自己,日前拋胸跑步抗疫兼收身,眼見投資的食店生意大減,更甘願打雜做包裝女工!

新冠肺炎肆虐重創各行各業,「34E女神」、無綫小花胡美貽(Nicole)工作亦大受影響,近月除了客串《踩過界II》一日戲份外,幾乎零工作。與其每日在家中發吽哣,她決定的起心肝踢走懶筋,日前在屋苑樓下跑步,舒展筋骨兼抗疫,穿Bra Top的她更脫去螢光外套,俯身拉筋。

由於Nicole上圍豐滿,加上纖腰誘人,不時引來旁人眼望望,但她一於少理,熱身後就起步。她跑步時相當跌盪,約半小時後,跑到香汗淋漓就返歸。

落舖打雜Cut開支

除了跑步外,冇工開的Nicole亦到投資的食店打躉,據知因疫情關係生意額大跌,為縮減開支,她決定將尖沙咀地舖的堂食樓層暫停營業,其餘所有店舖一律只做外賣,職員方面則只保留全職員工,寧願「降呢」親自打雜包裝食物,同時又監察食物衞生及消毒問題,確保顧客食得安心。本報昨日聯絡上Nicole,她指生意額尚可接受:「依家平均一日有4位數字收入,係旅遊區差啲,反而住宅區就維持到。有同業主傾過可唔可以減租,澳門就暫時唔開住囉!」

胡美貽身材咁Fit,全因佢勤做運動!
冇工開的Nicole落舖睇場。