學生打退堂鼓黎美言擱置海外開分校

東方日報
黎美言未能衝出國際開分校,坦言可惜。

藝人黎美言經營拳擊舞蹈學校三年來有聲有色,但疫情蔓延全球,本來在海外開分校的計劃也要擱置,她說:「原定今個月去日本同馬來西亞傾,因為有客戶想同我以特許經營方式合作,之前大家以視像會議方式傾咗一段時間,但依家計劃要擱置!不過健康最緊要,我擔心去外地過程受感染,會影響其他人。」至於有否蝕錢?她坦言數字多少已不重要,眼前最重要是齊心抗疫。

黎美言又指不少已報名上課的學生為「防疫」而紛紛退堂:「為咗保障客人嘅安全,學生退堂我係非常理解,留喺屋企一定係最安全。我會向全港市民送三堂免費網上課程,我真人互動教學,希望大家喺屋企都可以做運動,強心健肺,增加免疫力。」