《學是學非》即將回歸 梁嘉琪湯洛雯冇份拍 咁由邊位接棒?

《學是學非》

無綫綜藝節目《學是學非》深受觀眾喜愛,長做長有,由2013年開始播出,最初只有梁嘉琪、李佳芯及黃心穎三位「是非精」,之後再陸續加入唔少女神級「是非精」。上一輯嘅《學是學非》班底一共有8位成員,分別係梁嘉琪、麥美恩、湯洛雯、馮盈盈、劉穎鏇、張寶兒、鄺潔楹及何依婷。雖然節目喺上年8月停播,不過喺2020嘅節目巡禮入面,除咗有《學是學非》嘅回歸,仲有兩位新成員加入,做得「是非精」顏值一定有返咁上下,佢哋就係陳詩欣(Eunice)同埋何泳芍(Honey)。

陳詩欣(Eunice)
何泳芍(Honey)

有新成員加入,咁有舊班底畢業都好正常呀!噚日就有報道指梁嘉琪及「靚湯」湯洛雯將會離開。升呢做師姐嘅馮盈盈接受傳媒訪問嘅時候,佢就話唔清楚,暫時未有全員拍攝,因為有幾位「是非精」現時喺泰國拍緊外景。另外,馮盈盈仲話佢哋從來都冇「是非精」離開,只有新成員加入。

梁嘉琪
湯洛雯