孫慧雪自我隔離14日 視像見囝囝母子同哭

加油呀!14日好快過!

藝人李君妍同住家姐確診新冠肺炎,昨日她曾跟孫慧雪一起錄影節目《姊妹淘》,孫慧雪因家中有小朋友,擔心不已,昨晚在老公幫忙下搵到酒店「落腳」自我隔離十四日,她謂:「因為君妍深喉檢測報告未出,我並唔算確診者嘅緊密接觸者,依家係自發性隔離,但已經安排緊做測試!希望冇事啦!」

母子同哭

雪雪直言因事出太突然,昨日出門口都完全冇想過要跟家人「分開」十四日,所以昨晚睡覺都相當不習慣,雖然有跟囝囝視像通話,但一見囝囝喊就心痛不已:「我同佢視像通話,見到佢喊,攬唔到佢就忍唔住自己都喊,希望(時間)快啲過去啦!」

雪雪現靠老公運送日用品給她,至於做的測試,也是靠老公去拿測試用品,醫生透過視像教她如何使用,之後再將測試物品送到化驗所化驗。

雪雪用視像通話見囝囝。
雪雪見到囝囝喊,又攬唔到佢,自己都喊埋一份。
雪雪喺IG話好掛住囝囝呀!