孫慧雪爆老公服侍男人

東方日報
孫慧雪

37歲藝人孫慧雪昨日到電台宣傳新歌《幸福的錯覺》,她表示若40歲時不走樣,考慮再出寫真:「希望到時有廣告商同美容贊助,等我變得更靚。」又笑言首本寫真賣點是「少少肥」:「其實係因為唔夠弗先咁講,想再弗啲,但呢排拍飲食節目日食4餐,搞到肥咗5磅,之後會努力減。(老公鍾意你有肉地?)佢從來唔理我,但佢講過一樣嘢好冧,就係『無論人哋點睇你都好,我同個仔都覺得你係最靚。』」

她透露MV邀得周俊偉做男主角,有跌落海濕身攬實的場面,更自爆老公監場:「因為周俊偉係佢朋友,上水之後佢有遞毛巾同水,不過係畀周俊偉,唔係畀我囉!」