孫慧雪浴室突然爆玻璃

東方日報
成地玻璃碎,孫慧雪同老公唔小心拮傷。

藝人孫慧雪最近多災多難,繼家中客廁熱水爐及主廁出問題後,昨日在社交網狂呻又發生家居意外,指浴室突然爆玻璃門,一地玻璃碎片!幸而兩歲多囝囝Riley沒大礙,但她與老公、外傭姐姐收拾碎片時都「損手爛腳」,決定日後將轉用膠門。

她昨日出席活動時,直言接到外傭電話通知時嚇了一跳:「當時我同老公、囝囝喺出面食緊飯,知道後即刻衝返屋企,發現好多玻璃粉塵好難清理,我老公套住膠袋執,結果拮晒玻璃受傷,我要用眉鉗幫佢清理,又要幫工人姐姐用噴霧膠布。我都驚個仔受傷,抱住佢嘅時候自己都踩到玻璃!」