孫慧雪新歌一波三折

東方日報
阮兆祥(左)
孫慧雪指囝囝每日返學都爆喊。

藝人孫慧雪日前接受阮兆祥主持的電台節目訪問,談及製作其第二首派台歌《幸福的錯覺》及拍MV時一段驚濤駭浪的經歷,指負責混音的工作人員入院,MV導演又突然失蹤甩底,令歌曲延期推出,在拍MV時又遭阻撓:「我哋租嗰間屋嘅鄰居,唔鍾意人哋拍嘢,成晚(目及)住我哋有冇開大光燈,啲音樂要細聲,一晚拍門六、七次,好大壓力。」其後又涉版權問題,她說:「嗰刻我真係喊咗出嚟,諗係咪要放棄首歌。」最終皇天不負有心人,歌曲排除萬難面世。

此外,她又提及兩歲囝囝好黐身,每天返學都爆喊:「最初入學校門口先喊,發展到佢起身返學都喊,搞到我同老公唔想送佢返學,爭住湊放學,好在維持咗兩個禮拜改善咗。」