孫佳君家有破壞王

東方日報
孫佳君有兩個百厭仔,等於養了12隻狗。

藝人孫佳君前晚出席寵物電影的慈善首映場,問到現時可有飼養寵物?她搞笑自爆屋企有「12隻狗」:「養我嗰兩個仔等於養12隻狗,一個14歲、一個10歲,破壞力太強,又冇時停,大仔打籃球,身高有成6呎1吋,成日同細佬打交!」又自爆兩個囝囝在家中打棒球,搞到打爛電視機:「以為爆咗1吋冇咩事,但一開電視機就冇咗一半畫面,要買過部新嘅!」她指兩子想養寵物:「我就話:『養你哋都好辛苦』,可能等佢哋大個啲先,驚養咗得我照顧。」

同場的周家怡表示兩隻貓去世後不敢再養寵物:「佢哋走咗之後我唔敢返屋企,全家陷入愁雲慘霧咁,我依家成日都拎朋友隻狗仔返屋企湊,佢一出現媽媽就好開心。」

周家怡怕傷感,不敢再養寵物。