孖兩子屋企打波 栢芝細仔御用私家櫈曝光

張栢芝同兩個仔喺屋企親子樂!

藝人張栢芝雖然榮升老闆忙於打理時裝店生意,但都未有忽略親子活動時間。佢喺社交網上載大仔謝振軒(Lucas)同埋謝振南(Quintus)喺飯廳圓形餐卓打乒乓球嘅片段,見到一家三口玩得樂也融融,相當溫馨。

而Quintus都長大咗好多,表情多多玩得好投入。不過網友發現最大亮點是Quintus後面張BB櫈,指應該係細佬張禮承(Marcus)嘅御用私家餐桌椅,係以粉藍色為主色再配上白色波點圖案,相當可愛。